اسلام امیرلیگی ساغلیقنی سقلش وزیری، سعودی عربستان گه قیلگن رسمی سفریده اوشبو مملکت ساغلیقنی سقلش وزیری بیلن اوچرهشیب و پولیو کسللیگی اورتهدن کیتیشی، کسللیکلر آلدی آلینیشی و ساغلیق توزیمی کوچلنیشی توغریسیدهگی همکارلیکلر حقیده صحبت قیلگن.
ساغلیقنی سقلش وزیرلیگی، بوگون (۷-عقرب، چهارشنبه)، بیر بیانیه آرقهلی، اوشبو اوچرهشووده شونینگدیک پاکستان ساغلیقنی سقلش وزیرینینگ حضوری بارلیگینی یازگن.
بیزلرنینگ فیسبوک صحیفهمیزگه باش اورینگ!
بیانیهده کیلیشیچه، تامانلر یوقمه و یوقمه بولمهگن کسللیکلرنینگ آلدینی آلیش اوچون قوریقلش چاره-تدبیرلری، بنگیوار مادهلر فایدهلنیلیشی بیلن قرشی کورهش، مملکتلر آرهسیده طبی همکارلیکلر یخشیلنیشی، دارولر صفتی تضمینلنیشی و اونینگ قانونی شکلده وارد بولیشی تامینلنیشی توغریسیده بحث قیلگنلر.
شونینگدیک پولیو (بالهلر فلجی) نینگ بوتونلی اورتهدن کیتگزیلیشی اوچون فایدهلی هماهنگلیک یرهتیلیشی، بو توغریده قالگن قیینچیلیکلرنی تیکشیریش و سلمان جمغرمهسی آرقهلی ساغلیقنی سقلش توزیلمهلرینی مستحکملش، صحبت بولگن باشقه موضوعلردن دیر.
اسلام امیرلیگی ساغلیقنی سقلش وزیری نورجلال جلالی، طبی همکارلیکلر کوچهیشی، قوریقلش دستورلرینی رواجلنتیریش و دارولر صفتی یخشیلنیشیگه تاکیدلب و ایتیشیچه، ساغلیقنی سقلش وزیرلیگی کسللیکلر آلدی آلینیشی و اهالینینگ ساغلیق وضعیتی یخشیلنیشی توغریسیده قوشمه برنامهلرنی عملگه آشیریش بیلن، فایدهلی آدیملرنی آلیشگه متعهد دیر.
بیزلرنینگ «ایکس» ترماغی ده هم تعقیب قیلینگ!
بیانیه اساسیده، سعودی عریستان و پاکستان ساغلیقنی سقلش وزیرلری، طبی خذمتلر و کسللیکلرنی قوریقلش توغریسیده اسلام امیرلیگی ساغلیقنی سقلش وزیرلیگینینگ سعیوحرکتلریدن قدردانلیک قیلیب، پولیو یوق ایتیلیشی بولیمیده قوشمه همکارلیکلر دوامی، بنگیوار مادهلر آلدی آلینیشی و ساغلیقنی سقلش نهادلرنینگ رواجلنیشیگه تاکید قیلگنلر.
جناب جلالی، اوتگن کون افغانستان و عربستان آرهسیده ساغلیقنی سقلش هماهنگلیکلری و همکارلیکلری رواجلنیشی مقصد، بو مملکت گه کیتگن.
