اسلام امیرلیگی تشقی ایشلر وزیرلیگی سرپرستی امیرخان متقی، افغانستانده بیرلشگن ملتلر تشکیلاتی نینگ نماینده‌لیک اداره (یوناما) باشلیغی روزا اوتونبایوا بیلن اوچره‌شیب دوحه ییغیلیشی حقیده بحث اېتگن.
اسلام امیرلیگی تشقی ایشلر وزیرلیگی سۉزلاوچیسی عبدالقهار بلخی ۶-سرطان، چهارشنبه کونی ایکس اجتماعی ترماغیده، تشقی ایشلر وزیرلیگی سرپرستی امیرخان متقی افغانستانده بیرلشگن ملتلر تشکیلاتی نینگ نماینده‌لیک اداره باشلیغی روزا اوتونبایوا بیلن کابل ده اوچره‌شگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، بو اوچره‌شوو ده ایکّی تامان دوحه کېله‌سی ییغیلیشیده اسلام امیرلیگی نینگ هیئتی اشتراک اېتیشی و باشقه موضوع‌لر اینیقسه بنگی‌وار ماده‌لر گه قرشی کوره‌ش، بانکی چېکلاولر و خصوصی بولیم اونگیده‌گی قیینچیلیک‌لرنی محاکمه قیلگنلر.
اوشبو اوچره‌شووده، امیرخان متقی دوحه کېله‌سی ییغیلیشیده افغانستان نماینده‌لیگیدن اسلام امیرلیگی سۉزلاوچیسی ذبیح‌الله مجاهد، قطرده اسلام امیرلیگی نینگ سیاسی نماینده‌لیک باشلیغی سهیل شاهین، تشقی ایشلر، ایچکی ایشلر، صناعت و سودا وزیرلیک‌لری نینگ وکیل‌لری اشتراک اېتیشلرینی اېتگن.
بیزلرنینگ «ایکس» ترماغی ده هم تعقیب قیلینگ!
باشقه تاماندن، بو اوچره‌شووده روزا اوتونبایوا دوحه ییغیلیشینی تامان‌لر اۉز فکر-ملاحظه‌لرینی شریک قیلیش اوچون مناسب فرصت اته‌گن.
بیرلشگن ملتلر تشکیلاتی میزبان‌لیگی بیلن افغانستان وضعیتی گه دایر دوحه کېله‌سی ییغیلیشی، کېله‌سی هفته ۱۰-سرطان، یک‌شنبه کونی قطر پایتختی دوحه شهری ده یولگه قوییلیشی کوتیله‌دی.
