برنت خام نفتینینگ دنیا بازارلریدهگی قیمتی، بوگون ایرتهلب (۱-جوزا/۲۲-می، جمعه)، ینه ۲.۳ فایزگه آشیب، هر بیر بشکهسی ۱۰۴.۹۶ دالرگه ییتیشگن.
الجزیره خبری ترماغینینگ گزارشی اساسیده، اوروش یکونلنیشی اوچون امریکا و ایران آرهسیدهگی مذاکرهلرنینگ موفقیتیگه عاید شبهلر آشیشی همده هرمز بوغوزی بوییچه کیسکینلیکلرنینگ دوام ایتیشیدن کیین، نفت قیمتی ینهده کوتاریلگن.
حاضر ایسه دنیا بازارلریده هر بیر بشکه برنت خام نفتینینگ قیمتی ۱۰۴.۹۶ دالرگه ییتیشیب و امریکانینگ وستتگزاس (WTI) خام نفتی هم ۱.۸ فایزگه آشیب، هر بیر بشکهسی ۹۸.۰۸ دالرگه چیققن.
هرمز بوغوزی، دنیا ده نفت انتقال تاپهدیگن اینگ مهم یوللردی بیری حسابلنهدی و فبروری آییده ایران گه قرشی امریکا و اسرائیلنینگ قومشه هجومیدن کیین، حاضرگچه تهران آرقهلی یاپیق قالگن.
