افغانستان تیمیر ییریتیش اتحادیه مسئوللری، سمنگان ولایتیده بیرینچی مراتبه سیخ ایشلب چیقریش بیر فابریکه نینگ تمل تاشی قوییلگنیدن خبر بیره‌دیلر.
سمنگان ده سیخ ایشلب چیقریش فابریکه مسئولی نقیب‌الله نظری گه کوره، اوشبو فابریکه نینگ تمل تاشی بوگون (۲۶-میزان، پنجشنبه کونی) مذکور ولایت نینگ خُلم تومنیده قوییلگن و بو فابریکه بیش فاز ده قوریله‌دی.
بیزلرنینگ فیسبوک صحیفه‌میزگه باش اورینگ!
نظری جنابلری، مذکور فابریکه نینگ بیرینچی فازی بیر ییلده ایککی مینگ تُن سیخ ایشلب چیقره‌دی و بو فابریکه قوریلیشی اوچون ۳۵ میلیون دالر سرمایه یاتقیزیلگن دیېدی.
اوشبو فابریکه ایشی یکونلنیشی بیلن سیخ ایشلب چیقریش بولیمیده خودکفالیککه ایریشیش اوچون سعی-حرکت قیلیش گه قۉشیمچه، ایککی مینگ دن بیش مینگ کیشی ایش بیلن تأمینلنیشی ممکن دیېدی، سمنگان ده سیخ ایشلب چیقریش فابریکه مسئولی، نقیب‌الله نظری.
بیزلرنینگ «ایکس» ترماغی ده هم تعقیب قیلینگ!
افغانستان تیمیر ییریتیش اتحادیه نینگ اجرائیه باشلیغی عبدالنصیر رشتیا، مذکور فابریکه قوریلیشینی خوش قرشی‌لب ایتیشیچه، حاضرگی کونده سیخ ایشلب چیقریش بولیمیده ۵۰۰ میلیون دالر سرمایه یاتقیزیش بیلن ۴۲ فابریکه فعالیت قیلماقده.
شو بیلن بیرگه، سوداگرلر و سرمایه یاتقیزووچیلردن بیرقطاری، حکومت نی بوتوغریده دقت قیلیشی اوستیگه تأکیدلب، حکومت تامانیدن قۉللب-قوتلنگن حالده خودکفالیککه ایریشیش یانیده کوپینچه کیشی‌لر ایش بیلن تأمینلنیشینی اېته‌دیلر.
