سیناولر ملی ادارهسینینگ اعلام قیلیشیچه، کانکورسیناوینینگ بیرینچی باسقیچی ۱۱ ولایتده باشلنیب و ایکی کونگچه دوام قیلهدی.
مذکور اداره، بوگون (۸-جوزا، پنجشنبه)، بیر بیانیه آرقهلی یازیشیچه، کانکور سیناوینینگ بیرینچی باسقیچی پروان، کاپیسا، پنجشیر، بغلان، بامیان، غور، دایکندی، میدانوردک، لوگر، پکتیکا و غزنیده اوتکزیلهدی.
بیزلرنینگ «ایکس» ترماغی ده هم تعقیب قیلینگ!
سیناولر ملی ادارهسیگه کوره، مذکور ۱۱ ولایتده دینی مدرسهلر، کیچه فاکولتهلری و عمومی کانکور بولیملریده ۲۵ مینگ ۳۰۰ داوطلب ثبتنام قیلگن.
بیانیهده کیلیشیچه، داوطلبلر کانکور سیناویگه شامل بولیش کارتلرینی مکتبلریدن قولگه کیلتیریب و شونینگدیک بایومتریک قیلیش پروسهسی هم اوتگن کونی عملگه آشیریلگن.
بیزلرنینگ فیسبوک صحیفهمیزگه باش اورینگ!
سیناولر ملی ادارهسینینگ اورغولشیچه، اوشبو ولایتلر معارف ریاستلری و بیلیم یورتلر مسئوللرینینگ همکارلیگی بیلن، کانکور سیناوینینگ شفاف شکلده اوتکزیلیشی اوچون سعیوحرکت قیلماقده.
بوندن آلدین، سیناولر ملی ادارهسی، جاری ییل کانکور سیناوینینگ بیش باسقیچده اوتکزیلیب و ۲۰-سرطانگچه دوام قیلیشینی ایتگن ایدی.
