غور ده ایچکی تولیدلر رواجلنیشی همده ملی و محلی امکانیتلرنی عکس ایتیریش مقصد، اوتگن کون (۲۰-اسد، دوشنبه)، اوچ کونلیک قول صناعتی و ایچکی تولیدلر کورگزمهسی آچیلگن.
مذکور کورگزمهده، قالین، قولده تیکیلگن کییملر، دستکس، جوراب و باشقه بیر قطار ایچکی تولیدلر اوچ کونگچه نمایش گه قوییلگن.
بیزلرنینگ فیسبوک صحیفهمیزگه باش اورینگ!
غور سودا و صناعت ادارهسی باشلیغی عبدالستار موفقنینگ ایتیشیچه، بو کورگزمهده قول صناعتی و ایچکی تولیدلر ۲۰ غرفهده نمایش گه قوییلیب و اوشبو غرفهلردن ۱۰ تهسی عیاللرگه اختصاص بیریلگن.
غور سودا و صناعت ادارهسی باشلیغینینگ کوپهیتیریشیچه: «بو غور ده اوتکزیلگن بیرینچی کورگزمه دیر. ۲۰ غرفه بار که اولرده قول صناعتی و باشقه ایچکی تولیدلر نمایش گه قوییلگن. هدفیمیز قول صناعتینی و محلی تولیدلرنی رواجلنتیریش دیر.»
غور معلومات و مدنیت باشلیغی عبدالحی زعیمنینگ ایتیشیچه، مذکور وزیرلیک ایچکی تولیدلر رواجلنیشی و خصوصی سکتورنی قوللب-قوتلشگه متعهد دیر. «غورنینگ برچه تولیدلری جملهدن صفتلی قول صناعتی، قالینلر، میز و چوکی کبی مبل و فرنیچر، ایشیک و حتا غور ده ایشلب چیقرهدیگنیمیز ایدیش یویلهدیگن سویوقلیک هم بو کورگزمهده بار.»
بو کورگزمهدهگی غرفهدارلردن قطارینینگ ایتیشلریچه، بو کبی نمایشگه قوییلیش تولیدلری ساتیلیشی و تانیشتیریلیشی اوچون مهم دیر.
بو کورگزمهگه شرکت قیلگنلردن بیری عبدالخالق، ۱۲ ییلدن بیری قالین صناعتیده ایلشب و بامیان ولایتیدن اوشبو کورگزمه گه شرکت قیلگن. «قالین توقیش، گیلم توقیش، ایپ تولید قیلیش، بوییره و باشقه قوی یونگیدن تیارلنهدیگن صناعت بولیمیده، ایشلهیمن. بو کبی کورگزمهلر جودهیم فایدهلی دیر و تولیدلریمیز نمایش گه قوییلهدی که باشقه اولکهداشلریمیز اوندن فایدهلنسه.»
غرفهدارلردن باشقه بیری اورانوس عارفی، اوشبو کورگزمهنینگ اوتکزیلگنیدن خورسندلیک قیلیب و ایتیشیچه، بو کبی نرسهلرنی یولگه قوییش قول صناعتلری و محصوللرینی نمایش گه قوییب و ساتیلیشی اوچون سوداگر عیاللرگه یخشی بیر فرصت یرهتهدی.
بیزلرنینگ «ایکس» ترماغی ده هم تعقیب قیلینگ!
عارفیگه کوره: «قول صناعتی کورگزمهلری اوتکزیلیشی صناعتچی عیاللریمیز محصوللرینینگ مستقیم شکلده مشتریلرگه ساته آلیشلریگه سبب بولهدی و بو ایش عیاللرنینگ محلی هنرلری رواجلنیشی و اقتصادی ترقیاتگه یاردم بیرهدی.»
بو کورگزمه گه شرکت قیلگنلر، مسئوللردن سوداگرلرنینگ قوللب-قوتلنیشی همده ملی و خلقارا کورگزمهلر اوتکزیلیشینی ایستهگنلر.
