یورو ۲۰۲۴-ییل فوتبال فاینل بیللشووی بو کیچه انگلستان و اسپانیا ملی تیرمه جماعه‌لری همده امریکا کوپا ۲۰۲۴-ییل فاینل بیللشووی اېرته بولیب اۉته‌دی.
یورو ۲۰۲۴-ییل فاینل بیللشووی ده انگلستان و اسپانیا بو کیچه (۲۴-سرطان، یک‌شنبه) افغانستان وقتی بیلن ساعت ۱۱:۳۰ بولیب اۉته‌دی و امریکا کوپا ۲۰۲۴-ییل فاینل بیللشووی ده اېرته (۲۵-سرطان، دوشنبه کونی) اېرته‌لب افغانستان وقتی بیلن ساعت ۴:۳۰ ده لیونل مسی هم‌تیمی‌لری (ارجنتاین)؛ کلمبیا بیلن بیللشه‌دیلر.
بیزلرنینگ فیسبوک صحیفه‌میزگه باش اورینگ!
انگلستان یورو ۲۰۲۴-ییل یریم فاینل بیللشووی ده ۲:۱ حسابی بیلن هالند و اسپانیا اېسه ۲:۱ حسابی بیلن فرانسه گه غلبه قازانیب اوشبو مسابقه‌لر نینگ فاینلی گه یول تاپگنلر.
شونینگدیک، امریکا کوپا ۲۰۲۴ ییل یریم فاینل بیللشووی ده ارجنتاین ۲:۰ حسابی بیلن کانادا تیرمه جماعه‌سی و کلمبیا اېسه ۱:۰ حسابی بیلن اروگوئه گه غلبه قازانیب بو مسابقه‌لر نینگ فاینل بیللشووی گه یول تاپگن.
بیزلرنینگ «ایکس» ترماغی ده هم تعقیب قیلینگ!
اسپانیا و انگلستان فوتبال ملی تیرمه جماعه‌لری سۉنگی ییللر ده تورت مراتبه قرشی‌لشگن، اوشبو مسابقه‌لرده اسپانیا؛ انگلستان برابریده یالغیز تورت مراتبه مغلوب بولیب، یېتّی مراتبه غلبه قازانگن و ایکّی جماعه اوچ مراتبه مساوی گه تن بیریشگن. و سۉنگی مسابقه ده (۲۰۱۸-ییل اروپا ملتلر کپی) انگلستان ۳:۲ حسابی بیلن اسپانیا گه غلبه قازانگن.
ایتیش کېره‌ک، ارجنتاین‌لیک فوتبال یولدوزی لیونل مسی، امریکا کوپا ۲۰۲۴-ییل مسابقه‌لری اونینگ اوچون سۉنگی اویین بولگنینی معلوم قیلگن.