تیکوو ماشینی ایشلش آوازی و کېسیلهیاتگن متاعلر آرهسیده، بیر قیز اولتیرگن، او هلی اوزاق وقت بولمهگن بیر پیتده، بیلیم یورت صنفیده توریب، یاشلرگه درس بیریشنی آزو قیلردی.
قیزلرنینگ بیلیم یورتده اوقیشی تقیقلنگنده، نوریه کابل بیلیم یورتی حقوق فاکولتهسینینگ تورتینچی صنف طلبهسی ایدی، اوشه ییل توگهدی، لېکن اونینگ بیلیم یورتده تعلیمی توگمهدی.
نوریه ایندی بیلیم یورتده درس بیریش آرزسینی چیتگه سوریب قویگن و کتاب اورنیگه اولچاو واسطهلری و قیچی بیلن ایشلهیدی؛ آرزولری بیلن حقیقتلر اورتهسیده کورهشهیاتگن قیز، حیاتینی دوام ایتّیریش اوچون ینگی یولنی تنلهگن.
نوریه بیلیم یورتده اوقیتووچی بولیشنی ایستهگن کونلریده، عادی قووانچلردن دوستانه و عایلهوی ییغیلیشلردن چیتده تورردی، حتا آنهسیگه اوی ایشلریده و تیکیش بیلن یاردم بیریشنی هم وقیتنچه توختهتر ایدی. او آرزوسیگه یېتیشیش اوچون کوپ کیچهلرنی اوخلهمسدن، کتاب بیلن اوتکزدی. «آرزولریم کوپ ایدی؛ ایتردیم مکتب و بیلیم یورتنی توگهتسم، وظیفه آلیب و آیلیگیمدن آنهم گه بیرسم، چونکه بیزنی درس اوقیش اوچون کوپ زحمت چیکهدی.»
تورت ییل دیر که نوریه حیاتی مینگلب باشقه قیزلر سینگری، اولر تصور قیلگن یولدن اوزاقده کیچماقده؛ اونینگ فکریچه، شو مدت ایچیده حیات یولی دایم اونینگ ایستکلریگه قرشی حرکت قیلگن. بیراق او بوندن باشقه علاج تاپه آلمهی و اونی قبول قیلیش گه مجبور بولگن.
حاضرگی کونلرده نوریه، ایرتهلبدن کیچه گچه عیاللر کییملرینی اولچش، کیسیش و تیکیش بیلن بند؛ مجازلر اېسه هر بیر ایگنه تیرکش و کیسیش آرتیده نیمهدیر توگللنمهگن بیر آرزو حکایهسی یشیرینگنینی بیلیشمهیدی.
ایندی نوریه افسوسلنهدی. قینچیلیکلر اوچون اېمس، بلکه عملگه آشمهگن آرزو اوچون. «ایتردیم بیر کونی شو بیلیم یورت استادی کبی استاد بولسم، لایق بولسم درس بیرسم، شونی اوچون تون-کون تینمسدن تلاش قیلردیم؛ بوندهی شرایطده دوچ بولگندن کېین آرزو قیلدیم بیلیم یورت اورنیگه باشقه بیران هنر اورگنگن بولسم ایدی دیب.»
نوریه اۉزی تیکووچی بولیشی یانیده، بو کسبنی اورگهنیش امکانیتینی باشقه قیزلر و عیاللر گه هم یرهتیشنی ایستهیدی.
نوریهنینگ ایتیشیچه، اگر بوگون اونینگ قولی بیرآز حرکت قیلسه، بو آنهسینینگ اونگه کییم تیکیشنی اورگتگنی میوهسی دیر؛ بو تعلیم اېسه اونگه ېنهده یخشی کېلهجک قوریش واسطهسی بولگن.
نوریه کوپ وقتینی تیکووچیلیک بیلن اوتکزسهده، بعضاً آنگینینگ چیتیده ایلگری بولگن آرزوسینی اویلهیدی؛ ماسترلیک درجهسینی دوام ایتّیریش و بیلیم یورتده درس بیریش؛ بو اویلاودن چیقگچ ماشینی آرتیگه قیتهدی و بیر-بیریدن اجرهلگن متاعلرنی تیکیش گه کیریشهدی.
