بدخشان ده‌گی محلی منبع‌لر نینگ سلام‌وطندار گه ایتیشلریچه، اوشبو ولایت مرکزی فیض‌آباد شهری اوچینچی ناحیه حدودلریده یوز بیرگن پارتلش عاقبتیده بیر کیشی هلاک بولیب و باشقه اوچ کیشی یره‌لنگنلر.
بیزلرنینگ فیسبوک صحیفه‌میزگه باش اورینگ!
منبع‌لر گه کوره، واقعه طفیلی اولیب و یره‌لنگنلر حربی یا که تینچ اهالی‌لیگی همان نامعلوم؛ بیراق اولرنینگ ایتیشلریچه، سرک یانیده موتر سایکل ده ییرلشتیریلگن ماین پارتلشی ده خوفسیزلیک کوچلر نینگ بیر رنجری نشانگه آلینگن.
بوندن آلدین بدخشان ده‌گی محلی منبع‌لر، اوشبو واقعه بوگون توش دن آلدین ساعت ۱۱:۲۵ اطرافی ده، بو ولایت مرکزی فیض‌آباد شهری اوچینچی ناحیه حدودلری گه قره‌شلی «سرکُنده» گذری ده یوز بیرگنیدن خبر بیرگن اېدیلر.
بیزلرنینگ «ایکس» ترماغی ده هم تعقیب قیلینگ!
بدخشان معلومات و مدنیت باشلیغی ذبیح‌الله امیری، پارتلش فیض‌آباد شهری نینگ اوچینچی ناحیه‌سی حدودلریده یوز بیرگنینی تصدیقله‌گن؛ بیراق واقعه تلفاتی و زیان‌لری حقیده ایضاح کېریتمه‌گن.
اوشبو پارتلش مسئولیتینی حاضرگچه هېچ کیم یا گروه تن آلمه‌گن.
