افغانستانده اروپا اتفاقی نمایندهلیگی، آغاخان جمغرمهسی همکارلیگی بیلن کابلده جایلشگن «بالاحصار»نی قیته تعمیرلشینی اعلان قیلدی.
اوشبو نمایندهلیک، ۱۷-قوس/۸-دیسمبر، دوشنبه کونی ایتیشیچه، اوشبو تاریخی آبدهنی قیته تعمیرلش یانیده، ۳۰ کیشی گه عملی اوقیش امکانیتی یرهتیلهدی.
اروپا اتفاقی گه کوره، مدنیت ساحهسیدهگی میراثلرنی قوریقلش، ایش امکانیتی یرهتیلیشی و اقتصاد مستحکملنیشیگه سبب بولهدی.
سابق حکومت، قویاش ۱۳۹۹-ییل، حوت آییده، بالاحصار دیوارلری و بنالرینی قیته تعمیرلش و باستانشناسلیک پارک قوریلیشی اوچون، آغاخان جمغرمهسی بیلن شرطنامه امضالهگن اېدی.
بالاحصار، استراتیژیک اهمیتی و تاریخی قدامتی طفیلی، پایتخت کابل شهرینینگ رمزلریدن بیریگه ایلنگن.
بو بنا قانلی اوروشلر گواهی بولگن. افغان و انگلیس بیرینچی اوروشلریده (۱۸۳۹-۱۸۴۲) و افغان-انگلیس ایکینچی اوروشی (۱۸۷۸-۱۸۸۰) و کېین اېسه افغانستان حکومتلری وقتیده، بو قلعه حربی مهم مرکز صفتیده قوللنگن.
