اروپا اتفاقینینگ افغانستان اوچون مخصوص وکیلی گیلس برتراند، اسلام امیرلیگی تشقی ایشلر وزیری امیرخان متقی بیلن اوچرهشوده، اوشبو اتفاقنینگ افغانستان گه یاردملری دوام تاپیشیدن ایشانچ بیلدیردی.
تشقی ایشلر وزیرلیگی، بوگون (۱۹-قوس/۱۰-دیسمبر، چهارشنبه) بیر بیانیه ترقهتیب، متقی و برتراند کابلده اوچرهشیب، افغانستانده انسان سیورلیک یاردملر و جاری وضعیتنی محاکمه قیلگنلرینی معلوم قیلدی.
بیانیهده، امیرخان متقی اروپا اتفاقی سابق وکیلینینگ ایشلریدن منتدارلیک بیلدیریب، اوشبو اتفاقنینگ افغانستان گه یاردملری دوام تاپیشینی سورهگن.
گیلس برتراند، اروپا اتفاقی اقتصاد اینیقسه خصوصی سکتورنی قۉللب-قوتلب و افغانستانده سرمایه یاتقیزیش امکانیتی یرهتیلیشی اوچون همکارلیکلریگه دوام بیریشینی قوشیمچه قیلگن.
