اسلام امیرلیگی شهر و قیشلاقلرنی رواجلنتیریش وزیرلیگی، هرات ولایتیده اسلامقلعه بندرینینگ کینگهیتیریش تفصیلی ریجهسی یکونلنیب و امضالنگنینی معلوم قیلدی.
اوشبو وزیرلیک، بوگون (۱۷ سرطان/۸ جولای، چهارشنبه) ایکس اجتماعی ترماغیده بیر بیانیه ترقهتیب، بو ریجه شهر و قیشلاقلرنی رواجلنتیریش وزیری نجیبالله حقانی تامانیدن امضالنگنینی بیلدیردی.
شهر و قیشلاقلرنی رواجلنتیریش وزیرلیگی ریجهسی یوللر، سودا و خذمت کورسهتیش حدودلر، عمومی انشاآتلری، یشیل حدودلر، ترانسپورت امکانیتلری، سوو تأمیناتی تیزیملری و باشقه اساسی آست قوریلمهلرنی اوز ایچیگه آلهدی.
مذکور وزیرلیکنینگ ایتیشیچه، بو ریجه عملگه آشیریلگن حالده اسلامقلعه بندریده شهر ترتیبی، سودا، سرمایه کیریتیش و ترانسپورت خذمتلری یخشیلنیشی ساحهسیده مهم رول اوینهیدی.
