افغانستان تخنیکی و مسلکی تعلیمات اداره مسئوللری، ۱۶-حوت، چهارشنبه کونی کابل ده خبری بیر ییغیلیش‌ده، اوشبو ییل مذکور اداره دن فارغ بولگن ۱۰۰۰ اوقووچینی ایش بیلن تامینله‌گنلرینی ایتگنلر.
تخنیکی و مسلکی تعلیمات اداره سرپرستی غلام‌حیدر شهامت نینگ ایتیشیچه، تورلی بولیم‌لردن فارغ بولگن طلبه‌لر افغانستان بویلب مذکور اداره نینگ انستیتوت‌لری‌ده اوقیتووچی اوله‌راق تعیینلنه‌دیلر.
اونینگ کوپه‌یتیریشیچه: «۱۷۰۰ حق‌الزحمه استادی‌میز بار؛ قطار ولایت‌لرده اونچه‌لیک بیلیمی بولمه‌گنلر بار؛ حاضرگی کونده مَلکه‌لی طلبه‌لریمیز بار و بولرنی استخدام قیلیش گه قرار قیلدیک؛ هم ایش زمینه‌سی و هم تحصیل زمینه‌سی یره‌تیلیب و مسلکی بوله‌دیلر.»
بیزلرنینگ «ایکس» ترماغی ده هم تعقیب قیلینگ!
شهامت گه کوره، اوشبو ییل ده بو اداره نینگ ایکّی مینگ ۵۰۰ دن آرتیق طلبه‌سی ایش زمینه‌لری یره‌تیلیشی اوچون تورت ولایت‌ده‌گی صناعتچیلر بیلن قراراداد امضالنگن.
عین‌حالده، تخنیکی و مسلکی تعلیمات اداره‌سیدن فارغ بولگنلردن بیرقطاری که ایش بیلن تامینلنیش‌لری کوتیله‌دی، اوشبو جریاندن خورسندلیک قیلیب ایتیشلریچه، ظرفیت و توانالیک‌لرینی آشیریش اوچون اولر گه ایش زمنیه‌لری یره‌تیلیشی مهم دیر.
مذکور اداره نینگ «جیودیزی» انستیتوتی دن فارغ بولگن شیرالله شیرزی گه کوره: «ایشلرنی عملی و نظری طرز ده اۉرگندیک؛ اۉرگنگن برچه نرسه‌لریمیز مهم دیر. اهالی گه خذمت قیلیش و اۉرگنگن مهارت‌لریمنی عملگه آشیریش اوچون ایش زمینه‌سی یره‌تیلیشیدن خورسند من.»
طلبه‌لر دن باشقه بیری عبدالله گه کوره: «وظیفه یانیده تحصیلی‌میز گه دوام بیره آلیشدن خورسند میز. هم معاش آله‌میز و هم خذمت قیله‌میز؛ جامعه ده مفید بولیب و کوپراق تجربه آله‌میز.»
بیزلرنینگ فیسبوک صحیفه‌میزگه باش اورینگ!
باشقه تاماندن تخنیکی و مسلکی تعلیمات اداره‌سی نینگ باشقه بیر قطار طلبه‌لری ایش زمینه‌لری یوق‌لیگیدن نالیب ایتیشلریچه، یخشی مهارت‌لرنی اۉرگنگن بولسه‌لرده؛ لېکن اولر گه ایش فرصت‌لری یوق دیر.
اوشبو اداره نینگ طلبه‌لریدن عصمت‌الله نینگ ایتیشیچه: «دولت‌دن بیز نی ایش بیلن تامینلشینی اېسته‌یمیز. ایش فرصت‌لری یره‌تیلسه هم ایشلب و هم ایش عهده‌سیدن چیقیشی‌میز دن ایشانچ بیره‌میز.»
تخنیکی و مسلکی تعلیمات اداره‌سی نینگ معلوماتی اساسیده، اوشبو ییل ده مذکور اداره نینگ ۷۲ بولیمیدن ۳۶ مینگ طلبه فارغ بولگن.
