اپل کمپنیهسی آیفون ۱۸ پرو تورکومیدهگی عقللی/هوشمند تلفونلری کلاسیک قاره رنگده چیقریلمسلیگینی بیلدیردی.
معلوماتلر گه کوره، کمپنیه اوزینینگ کیینگی اولاد پریموم مادللری اوچون قاره رنگدن واز کیچماقده. آیفون ۱۷ پرو و آیفون ۱۷ پرو مکس برند تاریخیده قاره یا کی توق کولرنگ ورینتلردن محروم بولگن ایلک نسخهلردن بولگندی. حاضرده اولر فقط کوموشرنگ (سیلور)، توق سریق رنگ و توق کوک رنگلرده ایشلب چیقریلماقده.
بلومبرگ ژورنالیستی مارک گورمنگنینگ خبر بیریشیچه، حاضرده اپل آیفون ۱۸ پرو اوچون بیر نیچته عنعنوی ورینتلر بیلن بیرگه توق قیزیل کارپوس رنگینی سیناودن اوتکزماقده.
بونگچه ایچکی منبعلر بنفش و جگررنگ نسخهلر حقیده گپیرگن، بیراق مارک گورمنگنینگ فکریچه، بولرنینگ برچهسی شونچه کی سیناودن اوتکزیلهیاتگن قیزیل شکللرنینگ کورینیشلری دیر.
شو بیلن بیرگه، کمپنیه عکسینچه، اوزینینگ بولهجک بوکلمه آیفون مادلی اوچون کلاسیک رنگلر پالیترهسیدن فایدهلنیشینی ریجهلشتیرماقده. ایشلب چیقروچی یارقین رنگلردن واز کیچیب، کولرنگ یا کی قاره، شونینگدیک، کوموشرنگ یا کی آق رنگلر گه اوستونلیک بیریشی کوتیلماقده.
آیفون ۱۸ پرونینگ رسمی تقدیماتی سپتمبر آییده بولیب اوتیشی کیرهک، بوکلمه عقللی/هوشمند تلفون ایسه بازارده اوشه ییلنینگ بیرآز کیینراق مدتلریده تاپیلیشی ممکن.
