فاریاب ده محلی مسئوللر و بامیان ده خوفسیزلیک مسئوللر نینگ ایتیش‌لریچه، اوشبو ایکی ولایت‌دن ایکی کیشی نینگ جسدی تاپیلگن.
فاریاب معلومات و مدنیت ریاست رئیسی شمس‌الله محمدی نینگ ایتیشیچه، اوچ کون آلدین دولت‌آباد-شیرین‌تگاب تومن‌لری یولی‌ده محمد‌عثمان اسم‌لی بیر هیداوچی یوقالگن ایکن و اونینگ جسدی ایسه سه‌شنبه کونی ۱۳-جدی، شیرین‌تگاب تومنی نینگ «اسلام‌قلعه» قیشلاغیدن تاپیلگن.
بیزلرنینگ فیسبوک صحیفه‌میزگه باش اورینگ!
جناب محمدی گه کوره، مذکور کیشی کلتک‌لنیب و بوغیلیب اولدیریلگن که، اونینگ جسدی خوفسیزلیک کوچلر تامانیدن کلینیککه انتقال تاپگن.
شونده‌ی بیرحالده، فاریاب ده بیر منبع نینگ ایتیشیچه، مذکور کیشی نینگ موتری ایسه اوتگن کون ایرتنگ چاغی جوزجان مرکزی شبرغان شهری نینگ «پل خراسان» ساحه‌سیدن اسلام امیرلیگی کوچلری نینگ قولی گه کیلگن. منبع‌لر نینگ کوپه‌یتیریش‌لریچه، اوشبو قضیه گه تیگیشلی اوچ کیشی قولگه آلینگن و اولر نینگ یانیدن تدقیقات نینگ دوامی بار.
باشقه بیر تامان‌دن، بامیان امنیه قوماندانلیگی سوزلاوچیسی محمد‌خوانی رسا نینگ ایتیشیچه، اوشبو ولایت پنجاب تومنی امنیه قوماندانلیگی نینگ جنایی جرم‌لر گه قرشی کوره‌ش کوچلری، یاش بیر ییگیت نینگ جسدی نی اوتگن کون توش‌دن کیین ساعت ۲:۰۰ اطرافیده اوشبو تومن بازاریده بیر حاجت‌خانه‌دن تاپگن‌لر.
بیزلرنینگ توییترده هم تعقیب قیلینگ!
بامیان امنیه قوماندانلیگی سوزلاوچیسی نینگ کوپه‌یتیریشیچه، اسحاق اسم‌لی اوشبو ییگیت ۱۸ یاشر ایکن. جناب رسا گه کوره، اسحاق پنجاب تومنی بازاریده آزیق–آوقات ساته‌دیگن بیر دوکانی بار ایکن.
شونینگدیک محمد‌خوانی رسا نینگ ایتیشیچه، مذکور واقعه سببی، بیللی ایمس؛ بیرق اوشبو واقعه گه تیگیشلی بیر کیشی قولگه آلینگن و بو توغریده تدقیقات نینگ دوامی بار.
