ایکینچیلیک، سوغاریش و چاروه‌چیلیک وزیرلیگی مسئوللری، ایکینچیلیک نی رواجلنتیریش صندیغی نینگ مشارکت و مضاربت بولیمینی آچیش احتفالده ایتیشلریچه، ایکینچیلر، چاروهدارلر و ایکینچیلیک بولیمیده فعالیتی بولگن خصوصی سکتور، حاضر ۱۰ مینگ دن ۱۰۰ مینگ افغانی‌گچه مالیه‌وی یاردم آلیش‌لری ممکن.
مذکور وزیرلیک سۉزلاوچیسی مصباح‌الدین مستعین گه کوره، اوشبو ییلده ایکینچیلیک نی رواجلنتیریش صندیغی مشارکت و مضاربت خذمت‌لری آرقه‌لی ایکّی میلیارد افغانینی ایکینچیلر و چاروهدارلر اوچون اختصاص بیرگن. «بو یخشی فرصت دیر هر بیر محنت‌کار مالیه‌وی احتیاجینی اوشبو صندیق آرقه‌لی قولگه کېریتیشی ممکن.»
بیزلرنینگ فیسبوک صحیفه‌میزگه باش اورینگ!
ایکینچیلیک نی رواجلنتیریش صندیق مسئوللری، خصوصی سکتور مشارکت و مضاربت مالیه‌وی خذمت‌لردن فایده‌لنیب و ایکینچیلیک نی معیاری‌لشتیریش بولیمیده سرمایه یاتقیزیش‌لری ممکن دیېدیلر.
اوشبو صندیق باشلیغی عبدالغفور غفاری گه کوره: «بو ایکّی محصول تصدیقلنگنیدن کېین، ایشلب چیقریش، پاکت‌لش و قوریقلش بولیم‌لریده فعالیتی بولگن بوتون خصوصی شرکت‌لر و صناعت‌چیلر مرکز و ولایتده‌گی نماینده‌لیک‌لر بیلن علاقه قوریب و مشارکت و مضاربت پلان‌لرینی شریک قیلیش‌لری ممکن. تېکشیرو دن کېین عملی اقدام بوله‌دی.»
بیزلرنینگ «ایکس» ترماغی ده هم تعقیب قیلینگ!
ایکینچیلیک، سوغاریش و چاروه‌چیلیک وزیرلیگی نینگ مسلکی معینی صدر اعظم عثمانی، خصوصی سکتور دن افغانستانده ایکینچیلیک بولیمیده سرمایه یاتقیزیش‌لرینی سۉره‌گن. «افغانستان زراعتی بیر مملکت دیر و ۸۰ فایز اهالیسی ایکینچیلیک بیلن مصروف دیر. اهالینی ایش بیلن تأمینلش، محنت‌کارلر و چاروه‌دارلرنی قۉللب-قوتلش وظیفه‌میز دیر. قۉللب-قوتلش صندیغی مشارکت و مضاربت خذمت‌لری آرقه‌لی ایکینچیلر و چاروهدارلر گه ایش فرصت‌لرینی یره‌تیشی ممکن.»
ایکینچیلیک نی رواجلنتیریش صندیغی نینگ معلوماتی اساسیده، سۉنگی بیر ییلده مرابحه و وکالت آرقه‌لی ایکینچیلر، چاروهدارلر و خصوصی سکتور، اوشبو صندیق دن بیر میلیارد ۳۰۰ میلیون افغانی قولگه کېریتگنلر.