افغان قیزیل آی جمعیتی مسئوللری، اوشبو هفته پنج‌شنبه کونی آغیر کویگن و سویکلری میکروبی بولگن ۸۹ باله‌نی دوالش اوچون «دهکده صلح آلمان» خیریه جمغرمه‌سی همکارلیگی بیلن جرمنی گه یوباریشینی اېته‌دیلر.
افغان قیزیل آی جمعیتی سرپرستی شهاب‌الدین دلاور، بوندن آلدین جرمنی گه یوباریلگن ۷۴ باله‌دن، اولر نینگ ۴۶ ته‌سی اوشبو هفته یکونیگه قدر دوالنیشدن سۉنگ کابل گه قیتیشی ممکن دیېدی.
اونینگ کوپه‌یتیریشیچه: «حاضرگی کونده ۷۴ باله جرمنیده دوالنماقده، اولردن ۴۶ نفری پنج‌شنبه کونی کابل گه قیته‌دیلر و اوشبو کونده ۸۹ باله جرمنی گه یوباریله‌دی.»
بیزلرنینگ فیسبوک صحیفه‌میزگه باش اورینگ!
افغان قیزیل آی جمعیتی مسئوللری، افغانستانده کوچلی کویگن و سویکلری میکروبی بولگنلر سانی کوپ دیر و اولر «دهکده صلح آلمان» جمغرمه‌سی تامانیدن اولرنینگ دوالنیش سانی کوپه‌یتیریلیشینی اېسته‌یدیلر.
دهکده صلح آلمان خیریه جمغرمه‌سی باشلیغی کلاویا گه کوره، اوشبو نهاد بو کبی کسللرنی جرمنی گه آلیب باریب دوالشگه زمینه یره‌تیش اوچون سعی-حرکت قیلماقده.
اونگه کوره: «باله‌لرینگیزنی جرمنی گه آلیب باریب دوالب و کېین اېسه عایله‌لری گه تاپشیریش اوچون سعی-حرکت قیلماقده‌میز.»
بیزلرنینگ «ایکس» ترماغی ده هم تعقیب قیلینگ!
باشقه تاماندن، کوچلی کویگن و سویکلری میکروبی بولگن باله‌لر نینگ عایله اعضالریدن بیرقطاری، افغانستانده باله‌لری نینگ دوالنیش امکانیتی یوق شونی اوچون اولرنی جرمنی گه یوباریشلرینی اېته‌دیلر.
میدان‌وردک یشاوچیسی اسدالله، کیچیک قیزی سویک میکروبی گه چلینگن ایتیشیچه: «میدان‌وردک ولایتی کسلخانه‌سیده دوالنمه‌دی و میدان‌وردک ده شخصی کسلخانه‌لر گه باردیک و اولر دواله‌ی آلمسلیکلرینی اېتدیلر و اوشه ییرده اورتوپیدی بیر شفاکار بیزنی صحت طفل گه تانیشتیردی و بو ییرده ایکّی آی بستر بولدی و کېین اېسه باشقه بیر شفاکار باله بو ییرده دوالنمسلیگینی اېتدی هندوستان یا که جرمنی آلیب باریشینی مصلحت بیردی.»
قندوز یشاوچیسی سیدآغا، سکیز یاشر باله‌سی آلاوی بولگن تندور گه توشیشی باعث کوچلی کویگن، باله‌سینی جرمنی گه آلیب باریب دوالش امکانیتی یره‌تیلگنینی معلوم قیله‌دی.
اونینگ کوپه‌یتیریشیچه: «باله‌م تندور گه توشیب کویدی و احوالی آغیر اېدی و کابل ده چاره‌سی بولمه‌دی و جرمنی گه یوباریلیش گه قرار قیلدیلر.»
میلادی ۱۹۸۸-ییلدن بیری، دهکده صلح آلمان و افغانستان قیزیل آی جمعیتی اۉرته‌سیده‌گی کېلیشوو اساسیده، حاضرگه قدر تورلی کسللیکّه چلینگن تورت مینگ ۹۲۰ باله جرمنی گه آلیب باریلیب دوالنگن.
