دوحه دن بیرقطار منبع‌لرنینگ میدیالرگه ایتیش‌لریچه، افغانستان حکومتی و طالبان گروهی نینگ مذاکره قیلیووچی هیات‌لری سوزلشوو طرزالعملی خصوصیده کیلیشگنلر.
مذاکره قیلیووچی هیات‌لر، پاکستان باش وزیری عمران خان نینگ کابل‌گه کیلیشی بیلن سوزلشوو طرزالعملی خصوصیده کیلیشوو صورت تاپگنیدن خبر بیرگنلر.
دوحه ده افغانستان حکومتی و طالبان آره‌سیده بولگن سوزلشوولر آمریکا جمهورلیک ریاستی سیلاویدن آلدین افغانستانده زوروانلیکلر کوپه‌یگنی سبب، قیین‌چیلیکلر بیلن دوچ کیلگن ایدی.
اوتگن کونی افغانستان جمهور رئیسی محمد اشرف غنی، قطر امیری شیخ تمیم بن احمد آل ثانی بیلن تلفون آرقه‌لی تینچلیک سوزلشوولر خصوصیده صحبت قیلگن.
افغانستان حکومتی و طالبان گروهی نینگ هیات‌لری آره‌سیده سوزلشوولر باشلنگنیدن کمیده ۴ آی اوتماقده، بیراق بو مدت‌ده ایکی تامان سوزلشوولر طرزالعملی خصوصیده کیلیشووگه موفق بولمه‌گن.