اوشبو کیچه-کوندوزلرده امریکا قۉشمه ایالتلری نیویورک شهریده مملکت‌لر نینگ رهبرلری، بیرلشگن ملتلر تشکیلاتی نینگ ۷۹-عمومی ییغیلیشینی باشلش اوچون ییغیلماقده‌لر.
معلومات‌لر اساسیده، بیرلشگن ملتلر تشکیلاتی نینگ اوشبو ییغیلیشی ۲۴-سپتمبر کونیدن باشلب و اوشبو آی نینگ ۳۰- کونی گه قدر دوام تاپیشی ممکن، بو ییغیلیش ده مملکت‌لر نینگ لیدرلری غزه و اوکراین ده دوام اېته‌یاتگن اوروش کبی دنیا بویوک معمالری یانیده افغانستان مسئله‌سینی بحث گه آلیش‌لری کوتیله‌دی.
بیزلرنینگ فیسبوک صحیفه‌میزگه باش اورینگ!
ایش بیلرمان‌لردن بیرقطاری، بیرلشگن ملتلر تشکیلاتی نینگ عمومی ییغیلیشی ده افغانستان مسئله‌سی دنیا لیدرلری تامانیدن بحث گه آلینیشی، افغانستان نینگ سیاسی و اقتصادی اوستیگه ایجابی تأثیر قیلیشی گه امید بیلدیره‌دیلر.
خلق‌ارا مناسبت‌لر ایش بیلرمانی اجمل زرمتی نینگ ایتیشیچه: «بیرلشگن ملتلر تشکیلاتی نینگ عمومی ییغیلیشی ده افغانستان مسئله‌سی بحث گه آلینیشی، افغانستان نینگ سیاسی و اقتصادی اوستیگه ایجابی تأثیر قیلیشی ممکن.»
شو بیلن بیرگه ایش بیلرمان‌لر نینگ ایشانچی گه کوره، بیرلشگن ملتلر تشکیلاتی حاضر ده افغانستانده‌گی وضعیتنی حل قیلیش اوچون برچه تامانلمه ریجه‌سی یوق شونی اوچون یقینده افغانستان نینگ حاضرگی احوالدن قوتقریش اوچون ییچیم یول تاپیش قیین دیر.
بیزلرنینگ «ایکس» ترماغی ده هم تعقیب قیلینگ!
افغانستاندن تشقریده، دنیا ده‌گی کېسکین‌لیک و بو معمانی حل قیلیش ده بیرلشگن ملتلر تشکیلاتی نینگ ضعیف‌لیگی، دنیا ده ترتیب شکللنیشی اوچون بو تشکیلات گه ایشانچ‌لرنی کمه‌یتیرگن.
دنیا بوتون مملکت‌لری تامانیدن افغانستانده تن آلینگن حکومت شکللنمسلیگی طفیلی، بیرلشگن ملتلر تشکیلاتی تامانیدن افغانستان بو ییغیلیش ده چقیریلمه‌گن بیرحالده، بیرلشگن ملتلر تشکیلاتی نینگ ۷۹-ییغیلیشی یولگه قوییلیشی کوتیله‌دی.
