فاریاب ولایتی اندخوی تومنیده، تورکمن یازووچی و شاعر مخدومقلی فراغی توغیلگنینینگ ۳۰۲ ییللیگیدن نشانلنگن.
اوشبو احتفال، تورکمن یاشلری تشبثی بیلن بوگون (۳۱-جوزا، یکشنبه) محلی رسمیلر، شاعرلر، یازووچیلر و یاشلردن قطارینینگ حضوری بیلن اوتکزیلگن.
مذکو احتفال تشکیلاتچیلریدن گلجمال جاهد مرگنزادهنینگ سلاموطندار گه ایتیشیچه، اوشبو شاعرنینگ ادبی و معنوی میراثینی اولوغلش مقصدی بیلن اوتکزیلگن مذکور احتفالده، شرکت قیلگنلر آرقهلی مخدومقلی فراغینینگ اورنی همده تورکمن ادبیاتنینگ رواجلنیشی توغریسیده صحبت بولگن.
شونینگدیک اوتکزیلگن بو احتفال گه شرکت قیلگن ییگیتلردن بیری اسدالله بشاش، بوگونکی نشللرگه مخدومقلی فراغینینگ ادبی میراثینی تانیشتیریش اهمیتیگه تاکید قیلیب و اوشبو شاعرنی تورکمن ادبیاتی و فرهنگی بوییچه مهم ستونلردن بیری دیگن.
معلوماتلر اساسیده، فراغی میلادی ۱۷۳۳ ییل، شمسی ۱۱۱۲ ییل گه تینگ، ایراننینگ گنبدکاووس مرکزی بولیمیده توغیلیب و ۵۷ ییل تیریکچیلیکدن سونگ وفات ایتگن.
