۲۰۲۴-ییل المپیک یاز رقابت‌لری قریب ایکّی هفته دن سۉنگ یکونلندی. اوشبو ییل المپیک مسابقه‌لریده ۲۰۰ دن آرتیق مملکت نینگ سپورتچیلری ۳۲ بولیمده ۳۲۹ مدال اوچون بیللشدیلر.
اوشبو مسابقه‌لرده امریکا قۉشمه ایالتلری نینگ عیاللر بسکتبال ملی تیرمه جماعه‌سی ۲۱-اسد، یک‌شنبه کونی ۲۰۲۴-ییل پاریس المپیک رقابت‌لری نینگ فاینل باسقیچیده فرانسه گه غلبه قازانیب اوشبو اویینلر نینگ غالبی اعلام بولدی.
بیزلرنینگ فیسبوک صحیفه‌میزگه باش اورینگ!
امریکا بو مدال بیلن چین یانیده ۴۰ آلتین مدال آلیش گه اولگوردی و بو اویینلر امریکا نینگ اېنگ کوپ مدال کسب اېتیشی بیلن یکونلندی.
۲۰۲۴-ییل پاریس المپیک یاز رقابت‌لریده امریکا قۉشمه ایالتلری ۴۰ آلتین مدال، ۴۴ کومیش مدال، ۲۴ برنز مدال آلیب و اوشبو دور مسابقه‌لرده بیرینچی اوریننی ایگلله‌گن.
شونینگدیک، امریکا نینگ اېنگ یقین رقیبی چین ۴۰ آلتین مدال، ۲۷ کومیش مدال، ۲۴ برنز مدال آلیب و ایکّینچی اوریننی ایگلله‌گن.
بیزلرنینگ «ایکس» ترماغی ده هم تعقیب قیلینگ!
بو رقابت‌لرده، جاپان، آسترالیا، فرانسه، هالند، بریتانیا، جنوبی کوریا، ایتالیا و جرمنی اوچینچی دن اونینچی اورین گه قرار تاپگنلر.
فرانسه پایتختی پاریس شهریده بولیب اۉتگن المپیک اویین‌لریده اۉزبېکستان سپورتچیلری هم یخشی پارلب و ۱۳-اورین گه قرار تاپگنلر.
خلق‌ارا المپیک کمیته‌سی نینگ معلوماتی اساسیده، ۲۰۲۴-ییل پاریس المپیک یاز رقابت‌لریده ۲۰۶ مملکت دن ۳۲ بولیمده قریب ۱۰ مینگ ۵۰۰ سپورتچی اشتراک اېتگن.
