سرپرست حکومت معارف وزیرلیگی مسئوللری، بوگون (۳۰-حوت، پنجشنبه) اوقوو ینگی ییل‌نی قیزلرنینگ حضورسیزلیگی بیلن مملکت ساووق ولایت‌لریده باشله‌دیلر.
معارف وزیرلیگی سرپرستی حبیب‌الله آغا، مملکت ساووق ولایت‌لریده قویاش ۱۴۰۴-اوقوو ییلی باشلنیش مناسبتی بیلن اوتکزیلگن ییغیلیش‌ده، اسلام امیرلیگی دینی و زمانه‌وی بیلیم گه اهمیت بیریشینی معلوم قیلگن. اونینگ کوپه‌یتیریشیچه، مدرسه و مکتب‌لرنینگ اوقوو دستورلری افغانستان کلتوری گه تېنگ اصلاح بولماقده.
اونینگ ایتیشیچه: «اسلام امیرلیگی دینی و زمانه‌وی بیلیم گه اهمیت بیره‌دی و ترقیات اوچون زمانه‌وی بیلیم گه ضرورتی‌میز بار. شفاکار و دارو گه احتیاجی‌میز بار و ایکّی ییل‌دن بیری مکتب‌لرنینگ اوقوو دستورینی افغانستان کلتوری گه تېنگ‌لشتیریش اوچون سعی-حرکت قیلینماقده.»
بیزلرنینگ فیسبوک صحیفه‌میزگه باش اورینگ!
شو بیلن بیرگه، ییگیت اوقووچیلردن بیرقطاری سرپرست حکومت معارف وزیرلیگی‌دن، مملکت‌ده اوقوو صفتی یخشی‌لنیشی اوچون دقت قیلیشینی سوره‌یدیلر.
کابل شهری حبیبیه مکتبی ۱۲-صنف اوقووچیسی احمد شبیر سیرت‌نینگ ایتیشیچه: «اوقیتیش بولیمیده بیرینچی و ایکّینچی دوره کوپینچه استادلری پوره دیر و اوچینچی دوره پوره اېمس، ماستری و دکتورا سندی بولگن استادلر جذب اېتیلیشی کېره‌ک.»
کابل شهری بیشینچی ناحیه‌ده جایلشگن فاضل بیک مکتبی‌ده توقیزینچی صنف اوقووچیسی سید علی اکبر حسینی گه کوره: «معارف وزیرلیگی میز و چوکی، نظم و دسپلین، مکتب کتاب‌لری و اوقوو بویوملری که ایسکیرگن دقت قیلیشی لازم.»
عین‌حالده، قریب تورت ییل‌دن بیری مکتب باریش‌دن محروم اېتیلگن قیز اوقووچیلردن بیرقطاری، آلتینچی صنف‌دن یوقاری قیز اوقووچیلر یوزیگه مکتب‌لر ایشیگی آچیلیشینی اېسته‌یدیلر.
بیزلرنینگ «ایکس» ترماغی ده هم تعقیب قیلینگ!
کابل شهری آریانا عالی لیسه‌سی توقیزینچی صنف اوقووچیسی زینب یوسفی گه کوره: «یالغیز مین اېمس بلکه بوتون قیزلر مکتب‌لر ایشیگی آچیلیش گه امیدوار اېدیلر، لېکن آچیلمه‌دی، اجتماعی ترماق‌لرده نیچه مرته آلتینچی صنف‌دن یوقاری قیز اوقووچیلر یوزیگه مکتب‌لر آچیلیشینی اېتدیلر بیراق آچیلمه‌دی و بیز مکتب‌لر ایشیگی آچیلیشینی اېسته‌یمیز.»
کابل شهری‌ده خصوصی مکتب‌لردن بیری‌نینگ ۱۰-صنف اوقووچیسی سوریانینگ ایتیشیچه: «اوتگن ایکّی-اوچ ییل‌ده اسلام امیرلیگی آلتینچی صنف‌دن یوقاری قیز اوقووچیلر یوزیگه مکتب‌لر ایشیگینی آچیش گه اقدام قیلمه‌گن، اسلام امیرلیگی قیزلر گه وعده بیرگندی که مکتب‌لر ایشیگی آچیله‌دی دیب، بیراق آچیلمه‌دی و بیز آلتینچی صنف‌دن یوقاری قیز اوقووچیلر یوزیگه مکتب‌لر آچیلیشینی سوره‌یمیز.»
معارف وزیرلیگی مسئوللری‌نینگ معلوماتی اساسیده، حاضرگی کونده افغانستان‌ده ۴۴ مینگ مدرسه و مکتب فعال دیر و اولرده ۱۰ میلیون دن آرتیق اوقووچی تعلیم کورماقده‌لر.
