بویوک خلاقیت کیچیک فکردن باشلنه‌دی، فکر ایسه اشتیاق و حرکت بیلن عمل‌گه آشیریلیشی ممکن. یاشلردن بیر قطاری، مقصد‌لری‌گه ایریشیش اوچون حیات‌نینگ قیین‌چیلیک‌لری بیلن مبارزه قیلیب و موفقیت‌گه ایریشه آلگنلر.
سلام‌وطندار اوشبو گزارش‌ده اوچووچی‌سیز اوچاق توزه‌تگن یاشلر بیلن صحبت اوتکزگن که اولرگه کوره، اوچووچی‌سیز اوچاق توزه‌تگنلری‌دن مقصد، جمعیت‌گه کیره‌کلی نرسه‌لرنی تقدیم قیلیش دیر.
احمد شجاع اسملی بیر یاش بیلن قوشمه شکلده اوچووچی‌سیز اوچاق توزه‌تگن کاپیسا ولایتی‌دن بولمیش ۲۳ یاشر برکت‌الله‌نینگ سلام‌وطندارگه ایتیشیچه، توزه‌تگنلری اوچووچی‌سیز اوچاق، اوچیش امکانیتی‌گه ایگه دیر.
بیزلرنینگ فیسبوک صحیفه‌میزگه باش اورینگ!
او کیله‌جک‌ده کوپینچه نرسه توزه‌تیش خصوصیده سعی‌وحرکت‌لرینی بیان قیلیب و ایتیشیچه: «کیچیک‌لیکدن بویان بو فکر‌‌گه ایدیم که بیر نرسه توزه‌تسم و بیراز یاشیم یوقاری کیتگنی‌ده فعالیت‌گه باشله‌دیم. بو ایش‌نی ایکی کیشی بیرگه‌لیکده باشله‌دیک و پروژه‌میز P1، P2، P3دن P4گچه بولیب و نتیجه‌ده توزه‌تگنیمیز اوچاق‌نینگ اوچیره آلیش‌گه موفق بولدیک. مذکور پروژه‌نی قریب بیش آی‌ده یکونلنتیردیک. حاضر هم باشقه بیر پروژه توغریسیده ایش قیله‌میز. اوتیز یا-ده ۱۳۰ اوچاق‌لری‌نینگ کیچیک‌راق شکلی‌نی توزه‌تماقچین‌میز که تصویر آلیش امکانیتی‌گه ایگه بولیشی ممکن.»
۲۵ یاشر احمد شجاع‌نینگ ایتیشیچه، شونینگدیک کیچلیک‌لیکدن اوچووچی‌سیز اوچاق توزه‌تیش‌‌گه قیزیققن ایکن و بو توغریده قیزیقیشی سبب بو یول‌نی تعقیب قیلیب، کوپراق نرسه‌نی اورگه‌نیش بیلن کیچیک‌لیگی‌ده‌گی آرزولرنی حقیقت‌گه اوزگرتیریش مقصد سعی‌وحرکت قیلگن.
اونینگ کوپه‌یتیریشیچه: «اوشبو قیزیقیش سبب تخنیکی و مسلکی انستیتوتی‌‌گه باریب درس اوقیدیم. بیراز نرسه اورگنگنیم‌دن کیین دوست‌لر یا-ده یکه شکلده پروژه‌لر اوستیگه ایشلب و اوچووچی‌چیز اوچاق اوچون کیره‌ک بولگن امکانیت‌لرنی قولگه کیلتیردیم. ایش گه باشله‌دیم و نتیجه‌ده آرزوم گه ییتیشدیم. بو پروژه‌لر‌نینگ رواجلنیشی اوچون کوپراق حرکت قیله‌من.»
حمایت و تشویق، یاشلرنینگ قیزیقیشی توغریسیده اونملی رول اوینه‌ب و اولرنینگ اوزی‌گه ایشانیش و بویوک یوتوق‌لر گه ایگه بولیشلری‌گه سبب بوله‌دی.
مونوگرافی اوچون اوچووچی‌سیز اوچاق توزه‌تگن پروان ولایتی یشاوچیلری‌دن قلم‌یار‌نینگ ایتیشیچه، توزه‌تگنی اوچووچی‌سیز اوچاق جانلی شکلده ویدیو آلیش و بیللی فاصله‌لرده صورت ثبت قیلیش امکانیتی‌گه ایگه دیر.
او، عایله، حکومت و نهاد‌لر تامانیدن قوللب-قوتلنمسلیک خصوصیده ایتیشیچه: «پروژه‌نینگ یکونلنتیرگنیم‌دن کیین، حکومت و نهاد‌لر تامانیدن هیچ قنده‌ی حمایت بولمه‌دیم، شونینگدیک تحصیل دوره‌سی و حیات‌نینگ باشقه بولیم‌لریده هم بوگون گه قدر هیچ قنده‌ی قوللب-قوتلنمه‌دیم. قیغو بیلن مالی حمایت و منبع‌لر بولمه‌گنی، بو پروژه‌نینگ رواجلنیشی توغریسیده برنامه‌سیزلیگیم و بو بولیم‌ده ایش قیلمسلیگیم‌گه سبب بولدی.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، روان‌شناسلر‌نینگ ایشانچی‌گه کوره، عایله‌لر‌نینگ تربیه قیلیش اصولی یاشلر خلاقیتی آشیشی‌ده اساسی رول اوینه‌یدی. اولرنینگ اورغولشیچه، عایله‌لر تامانیدن حمایت بولینیش یاشلرنینگ ترقیاتی، فکری رواجلنیشی و انگیزه‌لری آشیشی‌گه زمینه یره‌ته‌دی.
روان‌شناسلردن محمد‌الله‌نینگ ایتیشیچه، تشقی عامه‌لر گه نسبت، ایچکی قدرت‌لر توغریسیگه توجه قره‌تیش، یاشلرده خلاقیت و فکر آشیشی‌گه سبب بوله‌دی. «یاشلر ایچکی عامه‌لر گه توجه قره‌تگنلری صورت‌ده، فکر و کوچلری بیلن تشقی عامل‌لرنی مدیریت قیله آله‌دیلر و یوللری‌گه دوام بیریب و امید‌سیزلیک‌لر آلدینی آلیشلری کیره‌ک.»
ایتیش کیره‌ک که، مذکور یاشلر اوچووچی‌سیز اوچاق توزه‌تیش بیلن حمایت بولمه‌گنی صورت‌ده هم، یوقاری هدفلر‌گه قول تاپیب، ینگی فکر و اراده بیلن بویوک موفقیت‌لیکلرگه ایریشه آلیشلرینی بیلدیرگنلر.
