تخنیکی و مسلکی تعلیملر اداره‌سی مسئوللری، بوگون (۲۷-قوس، سه‌شنبه)، قیسقه مدتلی ایش اورگه‌تیش برنامه‌لرینی تطبیق قیلیش و مسلکی ایش فرصت‌لرینی یره‌تیش آرقه‌لی کمبغل‌لیک بیلن قرشی کوره‌ش مقصد، ایچکی ۲۰ موسسه بیلن بیر قطار شرطنامهلرنی امضا قیلگنلر.
تخنیکی و مسلکی تعلیملر اداره‌سی‌نینگ اداری و مالی اورین‌باسری فضل‌الرحمان فاضل، بو توغریده حکومت‌نینگ ییتکرمه‌لر مرکزی‌ده اوتکزیلگن خبری بیر ییغیلیش‌ده ایتیشیچه، بیر میلیون ۸۰۰ مینگ دالر‌لیک بولگن اوشبو شرطنامهلر، زیان کوره‌دیگن و ضعیف گروه‌لر‌نینگ آوقت‌لنیشینی یخشی‌لش و ییگیتلر گه ایش فرصت‌لری یره‌تیلیشی و قندهار، هلمند، دایکندی، بامیان و خوست ده محلی اقتصاد ترقیاتی اوچون تطبیق بوله‌دی.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، شرطنامهلرنی امضاقیلووچی موسسه‌لردن قطاری‌نینگ مسئوللری‌گه کوره، اوشبو شرطنامهلر اساسیده مسلکی تعلیملر فرصتی یره‌تیلیشی یانیده، اوشبو ولایت‌لرده‌گی نیازمند یشاوچیلر گه ایسیق آوقت هم ترقه‌تیله‌دی.
افغانستان عیاللری اورین‌باسرلیگی و امکانیت‌لرینی کینگه‌یتیریش موسسه باشلیغی ذبیح‌الله واقف‌نینگ ایتیشیچه: «کمبغل‌لیک یشاوچیلر‌نینگ قیین‌‌چیلیکلریدن بیری دیر و بو برنامه اهالی گه وقتینچه‌لیک مسلکی ایش فرصت‌لرینی یره‌تیشی و منطقه‌نینگ ایکینچیلیک محصوللری‌دن کوپراق فایده‌لنیشی ممکن. بو برنامه‌نینگ دواملی بولگنی یا-ده تمدید بولگنی صورت‌ده، عایله‌لردن کوپ قطاری گه یاردم بیره آلیشیمیز ممکن.»
بیزلرنینگ «ایکس» ترماغی ده هم تعقیب قیلینگ!
شونینگدیک قندهار یشیل یولی قیته قوریلیش موسسه مسئولی محمد‌کریم پوپل‌نینگ ایتیشیچه: «افغانستان اهالی‌سیدن کوپ قطاری کمبغل دیر. بو موسسه یشاوچیلر گه مسلکی تعلیم‌لرنی یره‌تیش یانیده، بو منطقه‌لرده‌گی کمبغل کیشی‌لر گه ایسیق آوقت هم ترقه‌ته‌دی.»
مسلکی و تخنیکی اداره‌سی‌نینگ معلوماتی اساسیده، حاضر افغانستان بویلب قیسقهی مدتلی ۱۶۴ مسلکی ایش اورگه‌تیش مرکزلری فعال بولیب و اونینگ آرقه‌لی، اوچ مینگ ۸۹۱ کیشی گه ایش اورگهنیش زمینه‌لری یره‌تیلگن.
