تشقی ایشلر وزیرلیگی گه کوره، اسلام امیرلیگی منطقهوی بوتون تشبثلر اینیقسه آست قرمه، برقنی انتقال بیریش، سودا، اوقیش، اقلیم اۉزگریشی و دایمی ترقیات لایحهلریده فعال رولی بولیشنی اېستهیدی.
اوشبو وزیرلیک، بوگون (۳۰-ثور، سهشنبه) ترقهتگن بیانیهسیده یازیشیچه، اسلام امیرلیگی تشقی ایشلر وزیرلیگینینگ مالی و اداری معینی محمد نعیم، اۉزبېکستانده «ترمذ ملاقاتی» ییغیلیشیده، اسلام امیرلیگینینگ خارجی سیاستینی «موازنتلی، اقتصاد گه اساسلنگن، منطقهوی همکارلیکلر و ایکّی تامانلمه حرمت» اساسیده بولگنینی عنوان قیلگن.
افغانستان منطقهوی باغلنیش، ترانزیت، سودا و فرهنگی همکارلیکلر اوچون بیر کوپریکّه ایلنیشی کېرهک دیگن، اسلام امیرلیگی تشقی ایشلر وزیرلیگینینگ مالی و اداری معینی محمد نعیم.
بیزلرنینگ فیسبوک صحیفهمیزگه باش اورینگ!
مذکور وزیرلیکنینگ کوپهیتیریشیچه، نعیم جنابلری دنیا همجمعیت، منطقهدهگی مملکتلر و خلقارا تشکیلاتلردن، آست قورمهلرده سرمایه یاتقیزیش، افغانستان اهالیسینینگ اقتصادینی یوکسلتیریش بوییچه همکارلیک قیلیشلرینی سورهگن.
او، اۉز صحبتی دوامیده، افغانستان توپراغیدن هېچ بیر مملکت گه قرشی فایدهلنمسلیگیدن ایشانچ بیلدیریب و اسلام امیرلیگی باشقه مملکتلردن هم خودّی شوندهی یاندهشوولرینی کوتماقدهلیگینی قۉشیمچه قیلگن.
بیانیهده کېلیشیچه، اسلام امیرلیگی مرکزی و جنوبی آسیا اورتهسیده باغلنیش گه دایر بیرلشگن ملتلر تشکیلاتی عمومی مجموعهسی قاعدهلریگه تینگ بو کبی ییغیلیشنی قۉللب-قوتلهیدی.
بیزلرنینگ «ایکس» ترماغی ده هم تعقیب قیلینگ!
اۉزبېکستان، مرکزی و جنوبی آسیا مملکتلری اورتهسیده باغلنیش یونهلیشلرینی تېکشیریش مقصدیده، ۱۹ دن ۲۱ می گچه بو مملکت ترمذ شهریده «ترمذ ملاقاتی» بیرینچی یییغلیشنی اوتکزگن.
بو ییغیلیشده، مرکزی و جنوبی آسیا، اروپا، امریکا، یقین شرق، آسیا-اقیانوسیه منفعتلری مشترک مستقل مملکتلردن، ۲۰۰ دن آرتیق کیشی اشتراک اېتگنی اېتیلهدی.