اسلام امیرلیگی تشقی ایشلر وزیری امیرخان متقی، اسلام همکارلیک تشکیلاتینینگ افغانستان اوچون مخصوص وکیلی و اورین باسری طارقعلی بخیت بیلن اوچرهشووده، کابل پاکستان بیلن بولگن کیلیشماوچیلیکلرنی مذاکره آرقهلی حل قیلیشگه طرفدارلیگینی بیلدیرگن.
تشقی ایشلر وزیرلیگی، بوگون (۲۲-عقرب/۱۳-نومبر، پنجشنبه) بیر بیانیه ترقهتیب، متقی اوشبو اوچرهشووده اسلام همکارلیک تشکیلاتی وکیلی بیلن ایکی تامانلمه مسئلهلرنی بحث گه آلگنیدن خبر بیرگن.
بیانیه گه کوره، طارقعلی بخیت افغانستان و پاکستان اورتهسیده آتیش کېسین برقرار ایتیلیشینی خوش قرشیلب و کیلیشماوچیلیکلر مذاکره آرقهلی حل ایتیلیشیگه تأکیدلهگن.
اسلام امیرلیگی و پاکستان اورتهسیده اوچینچی باسقیچ مذاکرهلر، قویاش ۱۴۰۴-ییل، ۱۶-عقرب، تورکیهنینگ استانبول شهریده نتیجهسیز شکلده یکونلنگچ، متقی بوندهی سۉزلرنی ایتگن.
