تیمیر ایریتیش ایشخانه‌لر اتفاقی باشلیغی نصیراحمد رشتیا، فولاد ایشلب چیقریش اوچون خام ماده کمه‌یشیدن خواطر بیلدیریب ایتیشیچه، افغانستان ده صناعتچیلر اوچون تیمیر قازیب چیقریش زمینه‌سی یره‌تیلیشی کیره‌ک.
او نینگ ایتیشیچه: «افغانستان ده فولاد خام موادی یکونلنگن و اسلام امیرلیگی صناعتچیلر گه تیمیرنی قازیب چیقریش گه زمینه یره‌تیشی کیره‌ک. کان‌لر درجه‌بندلیک بولیب و قازیب چیقریلیشی اوچون بیز گه تاپشیریلیشی گه ضرورتیمیز بار.»
بیزلرنینگ فیسبوک صحیفه‌میزگه باش اورینگ!
سوداگرلیک و سرمایه یاتقیزیش اتاق رهبریت اعضاسی خانجان الکوزی، افغانستان ده سوداگرلر نینگ قیینچیلیک‌لری حل بولیشی کیره‌ک دیدی. او اسلام امیرلیگی دن سوداگرلرنی قوللب_قوتلش اوچون دولت اداره‌لریده ایچکی تولیدلردن قوللنیشنی ایسته‌یدی.
او نینگ کوپه‌یتیریشیچه: «سوداگرلر نینگ برق تنقیص‌لیگی و ییر قیینچیلیگی حلی باره‌سیده دقت قیلینسه. اسلام امیرلیگی دن سوداگرلرنی قوللب_قوتلش اوچون دولت اداره‌لریده ایچکی تولیدلردن قوللنیشنی ایسته‌یمیز.»
بیزلرنینگ توییترده هم تعقیب قیلینگ!
صناعت و سوداگرلیک وزیرلیگی سرپرستی نورالدین عزیزی نینگ ایتیشیچه، صناعتچیلر تامانیدن کان‌لر قازیب چیقریلیش موضوع‌سینی کابینه و اقتصادی کمیسیون بیلن شریک قیله‌دی. «کابینه تامانیدن تصویب بوله‌دیگن ریجه اساسیده، برچه دولت اداره‌لر ایچکی تولیدلردن قوللنیش گه مکلف دیر و صناعتچیلر تامانیدن کان‌لر قازیب چیقریش موضوع‌سینی کابینه و اقتصاد کمیسیونی بیلن شریک قیله‌دی.
سه‌شنبه کونی، ۱۳ سرطان کابل ده فقیری‌ستیل آتیده تیمیر ایریتیش ایشخانه، ۱۰ میلیون دالر بهاسی بیلن آچیلد.