مخابرات، تکنالوژی و معلومات وزیرلیگی مسئوللری، بوگون (چهارشنبه، ۱۸ اسد)، «دولت نینگ ملت گه حساب بیریش» دستوری ده ایتیشلریچه، اوشبو وزیرلیک سیم‌کارت‌لرنی ناقانونی روشده ساتیلیشی گه توسیق بولگن.
مذکور وزیرلیک مسئوللری گه کوره، حاضرگی کونده مملکت بویلب مخابراتی شبکه‌لر نینگ سیم‌کارت‌لری قریب ۹۸ فایز قانونی بولگن.
بیزلرنینگ فیسبوک صحیفه‌میزگه باش اورینگ!
مخابرات، تکنالوژی و معلومات وزیرلیگی سرپرستی نجیب‌الله حقانی نینگ ایتیشیچه، مخابراتی شبکه‌لر نینگ سیم‌کارت‌لری جمعیت ده ایریم قیینچیلیک‌لر تاپیلیشی گه سبب بولگن ایدی.
او نینگ کوپه‌یتیریشیچه: «بوندن آلدین، سیم‌کارت‌لر ناقانونی روشده ساتیلیشی ایریم معمالر گه سبب بولگن ایدی، اوغیرلیک و جنایی جرم‌لر اوشبو سیم‌کارت‌لر آرقه‌لی بولردی. افغانستان ده حاضر سیمکارت ۹۷ و ۹۸ فایز قانونی روشده ساتیلیب و بوتونلی کنترول بوله‌دی.»
بیزلرنینگ توییترده هم تعقیب قیلینگ!
عین‌حالده، هردایم مملکت بویلب مخابراتی شبکه‌لر نینگ صفتی قویی‌لیگی و نرخی یوقاری‌لیگیدن شکایت بولگن.
مخابرات، تکنالوزی و معلومات وزیرلیگی مسئوللری، مملکت ده مخابراتی قیینچیلیک‌لرنی حل قیلیش مقصدیده سعی‌وحرکت قیله‌یاتگن‌لریدن ایشانچ بیره‌دیلر.
