افغانستان مخابراتی خذمتلرینی منظملشتیریش اداره (اترا) مسئوللری نینگ ایتیشلریچه، مملکت بویلب ۵ مخابراتی ترماق آرقهلی ترقهتیلگن ۲۳ میلیون سیمکارتدن، حاضرگچه آلتی میلیون ۵۰۰ مینگ سیمکارت بو اداره نینگ بویروغی بیلن ثبت بولگن.
افغانستان مخابراتی خذمتلرینی منظملشتیریش اداره سوزلاوچیسی جلالالدین شمس نینگ ایتیشیچه، سیمکارتلر نینگ ثبت قیلینیشیدن مقصد، جرملر، امنیتی تهدیدلر، آدم اوغیرلاوچیلیک و اهالی نینگ اذیت قیلینیش موردلر آلدی آلینیشی دیر.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه: «سیمکارتلر نینگ ثبت و راجستر قیلینیشی قیین بیر ایش ایدی، چونکه بازارلرده راجستر بولمهگن سیمکارتلر ک.پ ایدی و اهالی گه کته بیر قیینچیلیک یرهتگن ایدی. بو یول آرقهلی جنایت بولهر ایدی و آدم آوغریلیک بولهر ایدی. حاضر افغانستان ده سیمکارتلر قانونی یول آرقهلی ثبت بولهدی. افغانستان ده ۲۳ میلیون سیمکارت ترقهتیلگن که حاضرگچه آلتی میلیون ۵۰۰ مینگ سیمکارت راجستر بولگن.»
عین حالده، مخابراتی شرکتلر نمایندهلیکلری گه سیمکارتلری نینگ ثبت قیلیش اوچون بارگن یشاوچیلردن قطاری، سیمکارتلر نینگ ثبت قیلیش پروسهسی سیکینلیگی و زمان آلیشیدن شکایت قیلیب، سیمکارتلر راجستری اوچون کوپراق نمایندهلیکلر ایجاد بولینیشینی ایستهگنلر.
اتصالات مخابراتی شرکتی گه مراجعت قیلگن شکیب اکرمی نینگ سلاموطندار گه ایتیشیچه: «تورت کون بولهدی که اتصالات شرکتی گه سیمکارتیم نی ثبت قیلیش اوچون کیلهمن؛ هیچ نوبت ییتیشمهیدی. تورت کون بولهدی که کیلهمن، لیکن سیمکارتیم نی ثبت قیله آلمهیمن.»
شونینگدیک روشن مخابراتی شرکتی گه مراجعت قیلگن احمد نینگ ایتیشیچه: «ایکی کوندن بیری روشن مخابراتی شرکتی گه بارهمن؛ هیچ نوبت ییتیشمهیدی؛ هیچ جواب بیرمهیدیلر. گوجوملیک دیر، سیمکارتلر نینگ ثبت قیلیش اوچون هر ییرده نمایندهلیکلر کوپراق بولیشی کیرهک.»
شوندهی بیرحالده، اترا ادارهسی سوزلاوچیسی نینگ ایتیشیچه، اوشبو اداره برچه مخابراتی شرکتلر گه، ولایتلرده سیار تیملری نینگ یوباریلیشی و سیمکارتلر ترقهتیلیشی و ثبت بولیشی اوچون ایشلاوچی و امکانیتلر کوپهیشی بویروغینی بیرگن.
بیزلرنینگ «ایکس» ترماغی ده هم تعقیب قیلینگ!
جلالالدین شمس نینگ اورغولشیچه: «بو پروسه بیراز قیینچیلیک یرهتگن. نمایندهلیکلر یوق که بونی ثبت قیلسه؛ بیراق اترا ادارهسی بو میکانیزم نینگ آلغه آلیب باریلیشی اوچون شرکتلر گه ایتگن که، سیار تیملری نی ولایتلر گه یوبارسینلر؛ ایشلاوچیلری نینگ کوپهیتیرسینلر. آیده هر بیر شرکت گه ۱۵۰ مینگ سیمکارت ترقهتیلهدی.»
ایتیش کیرهک که، بوندن آلدین سرکلر اوستیده ثبت بولمهگن سیمکارتلر ساتیلهر ایدی؛ بیراق افغانستان مخابراتی خذمتلرینی منظملشتیریش ادارهسی نیچه مدتدن بویان، بو پروسه نی توختهتیب و مشتریلر ثبت بولگن سیمکارتلر نی یالغیز مخابراتی شرکتلر نینگ مرکزی دفترلریدن قولگه کیلتیره آلهدیلر.