غزنی ده اوقیتووچیلر شهرچهسیده ییر ترقهتیلیشی اوچون بیر یریم دهه کوتیش، کورینیشیچه اوقیتووچیلرنی اوشبو شهرچهدهگی ییر ترقهتیلیشیدن فایدهلنیش امیدیدن محروم قیلگن. غزنیدهگی اوقیتووچیلرنینگ ایتیشلریچه، جمهوریت حکومتینینگ بوش سوزلری بیلن ۱۵ ییلنی اوتکزگنلر و حاضر ایسه مذکور شهرچهده ییر ترقهتیلیشی اوچون اسلام امیرلیگی مرحمتینی کوتیب تورگنلر.
غزنی مرکزیدهگی لیسهلردن بیرینینگ اوقیتووچیسی بولمیش محمدعارف قاسمینینگ سلاموطندار گه ایتیشیچه، هر آی آیلیگیدن تورت مینگ افغانینی اوی کرایهسی گه تولشی کیرهک و بو، مذکور ولایتدهگی مینگلرچه اوقیتووچینینگ روپهره بولگن قیینچیلیگی دیر.
اونگه کوره: «اوقیتووچیلردن کوپ قطاری اویسیز دیر. بوندن آلدین لیسانس بولگن اوقیتووچیلر آیلیگی ۱۰ مینگ افغانی ایدی و حاضر بیر مینگ کمهیگن. تورت مینگ اوی کرایهسی بیرهمن و قالگنی هم عایله خرهجتی اوچون ییترلی ایمس. برچه اوقیتووچی بو قیینچیلیک بیلن روپهره دیر. اوقیتووچیلر شهرچهسیدهگی ییرنینگ اوقیتووچیلرگه ترقهتیلیشینی ایستهیمیز.»
بیزلرنینگ «ایکس» ترماغی ده هم تعقیب قیلینگ!
اوقیتووچیلر گه مخصوص شهرچهده ییر ترقهتیلیشی اوچون ۱۵ ییل کوتیب تورگن غزنی دهگی اوقیتووچیلردن باشقه بیری محمدحلیم فاروقی، مذکور شهرچهده ییر ترقهتیلیشی کیچیکتیریلگنی اوچون سابق حکومتنینگ برنامهسیزلیگیدن تنقید قیلهدی. «بوگون گه قدر یالغیز بیر سوز بیریب قویگنلر و اوقیتووچیلرگه شهرچه ترقهتیلگن. معارف وزیرلیگی آرقهلی سوزدن باشقه اوقیتووچیلرگه هیچ بیر نرسه ییتیشمهگن. جمهوریت توزیمیدن بیر بیر تکت بیرگن ایدیلر که بو اوشه ییر نمرهسی دیب، لیکن عملی بیر رولی یوق ایدی. موضوع شو رقم قالگن و اوقیتووچیلرگه ییر ترقهلمهگن.»
اوشبو اوقیتووچیلرنینگ ایتیشلریچه، سابق حکومتده اوقیتووچیلر شهرچهسی اوچون ییر تعیینلنگن و حاضر ایسه اسلام امیرلیگی اونینگ ترقهتیلیش جریانینی باشلهشی کیرهک.
غزنی دهگی اوقیتووچیلردن گلابالدین، اوقیتووچیلیک معاشی بیلن عایله نیازلرینینگ تامین قیله آلمسلیگینی بیان قیلیب و ایتیشیچه: «بیر اوقیتووچی برچه حیات و عایله نیازلرینی تامین قیلیش امکانیتیگه ایگه ایمس. سابق حکومتده اوقیتووچیلرگه ییر بیریلهدی دیب قرار آلینگن ایدی، قیغو بیلن هیچ کیم گه ییر بیریلمهگن.»
شونینگدیک بو ولایتدهگی اوقیتووچیلردن باشقه بیری سمیه گه کوره: «جمهوریت توزومیده شهرچهدهگی ییر تکتینی آلگن ایدیک و نمرهلر قرعهکشلیک بولگن ایدی، بیراق اوندن کیین شهرچهنینگ ایشی آلغه کیتمهدی. هر ییل بیر بهانه قیلهر ایدیلر. حاضر هم موضوع بیللی ایمس. اسلام امیرلیگیدن شهرچهده ییر ترقهتیلیشینی ایستهیمیز، چونکه اوقیتووچیلر اقتصادی قیینچیلیک بیلن روپهره دیر.»
بیزلرنینگ فیسبوک صحیفهمیزگه باش اورینگ!
شوندهی بیرحالده، غزنی معارف ریاستی مسئوللرینینگ ایتیشلریچه، مکتبلردهگی اوقیتووچیلرگه ییر ترقهتیلیشی بیلن بیرگه، دینی مدرسهلر اوقیتووچیلری گه هم ییر ترقهتیلهدی و مذکور ایکی بولیم اوقیتووچیلری فهرستی تصدیقلنیش مقصد، اسلام امیرلیگی رهبریگه یوباریلگن.
بو توغریده غزنی معارف ریاستی نشرات مدیری میاگل صدیقنینگ سلاموطندار گه ایتیشیچه: «بو فهرستگه دینی مدرسهلر اوقیتووچیلری اسمی هم بولیشی کیرهک. اولرنینگ اسملرینی وزیرلیک بیلن شریک قیلگنمیز. مسئوللر بو موضوعنینگ اسلام امیرلیگی رهبری بیلن تکلیف بیریشلرینی بیان قیلدیلر. بو مراحلهلر ۱۴۰۳-ییلنینگ آخریده صورت تاپگن. انه شوو سبب، کیلهسی ییل اوقیتووچیلر حصهسی حقیده نیمه قرار آلگنلرینی بیرهمیز.»
ایتیش کیرهک که، غزنی ده اوقیتووچیلر گه مخصوص شهرچهسی قوریلیشی ۱۵ ییل آلدین باشلنیب و اوشبو ولایت مرکزینینگ شمالشرقیده اونلب جریب ییر بو شهرچه اوچون تثبیت بولگن؛ بیراق مذکور سعیوحرکتلر حاضرگچه نتیجه بیرمهی و غزنی دهگی اوقیتووچیلر حاضرگچه بو شهرچهده ترقهتیلهدیگن ییرلردن فایدهلنه آلمهگنلر.
