تخار ولایتی دشت‌قلعه تومنی یشاوچیلری آی‌خانم بولاغی نینگ بوزیلیشیدن خواطر بیلدیریب و سرپرست حکومت‌دن اوشبو بولاق بیلن اونینگ اطرافیده‌‌گی دیوارلر نینگ قیته قوریلیشی نی ایسته‌گنلر.
دشت‌قلعه تومنی یشاوچیلریدن اسد‌الله نینگ ایتیشیچه: «مذکور بولاق نینگ قیته قوریلیش گه نیازی بار و حکومت اونینگ قیته قوریلیشی خصوصیده توجه قیلیشی و شونینگدیک ولایت‌لر و تومن‌لردن کیله‌دیگن سیاحتچیلر اوچون ییترلی آسایشته‌لیکلر نینگ یره‌تیشی کیره‌ک.»
بیزلرنینگ فیسبوک صحیفه‌میزگه باش اورینگ!
شونینگدیک اوشبو تومن یشاوچیلریدن باشقه بیری اجمل نینگ ایتیشیچه: «بو ییرده کیلگنیمیزده کوره‌میز که دیوارلری بوزیلماقده و هیچ کیم هم توجه قیلمه‌یدی. نیچه ییل هم توجه‌سیزلیک بولگنی و بو رقم دوام قیلگنی‌ده، اوشبو بولاق اسمی نینگ اهالی فکریدن اوچیریلیشی ممکن.»
مذکور خواطرلر بیلن بیرگه، تخار معلومات و مدنیت ریاستی نینگ سیاحتچیلیک و مدنیت بولیمی آمری نورالدین راسخ نینگ ایتیشیچه، حاضر ایسه اوشبو ریاست تاریخی و دم آلیش جایلر نینگ قیته قوریلیشی خصوصیده بیللی بیر برنامه‌سی یوق.
تخار معلومات و مدنیت ریاستی نینگ سیاحتچیلیک و مدنیت بولیمی آمری گه کوره: «دشت‌قلعه تومنی تخار ولایتی نینگ تاریخی و سیاحتچیلیک تومن‌لریدن دیر که قدیمی ساحه‌لر گه ایگه بولگنی اوچون سونگی کونلر اون تشقی سیاحتچی و یوز ایچکی سیاحتی بو تومن گه بارگن. اولکه‌داشلریمیز تشویش‌سیز شکلده بو ییر گه کیلیب و بو تومن نینگ تاریخی جایلرینی کوریب چیقه آله‌دیلر.»
آی‌خانم بولاغی تخار ولایتی دشت‌قلعه تومنی نینگ سیاحتچیلیک جایلریدن بیری دیر که، آی‌خانم تیپه‌سی نینگ قویی قسمی و کوکچه دریا یقینلیگی‌ده جایلشگن.
بیزلرنینگ «ایکس» ترماغی ده هم تعقیب قیلینگ!
آی‌خانم بولاغیده یاز موسومی‌ده ساووق سوو و قیش موسومی‌ده ایسیق سووی بولیب، کوپینچه سیاحتچی دم آلیش و سووگه سوزیش مقصد بو محل گه باریشه‌دی.
