دوشنبه کونی، ۱۷ دلو، تورکیه نینگ جنوب_شرقی و سوریه بیلن چیگره حدودلری ده یوز بیرگن کوچلی زلزله تلفات رقمی آشماقده.
اوشبو زلزله‌لر عاقبتیده مینگلب کیشی اولیب و یره‌لنگن و مینگلرچه یشش اوی بوزیلگن.
تورکیه طبیعی آفت‌لرنی باشقریش بوییچه باش مدیری اورهان تاتار نینگ ایتیشیچه، تورکیه نینگ مرکزی حدودلری ده یوز بیرگن زلزله ده ۳ مینگ ۳۸۱ کیشی قربان بولگن و ۲۰ مینگ ۴۲۶ کیشی یره‌لنگن.
بیزلرنینگ فیسبوک صحیفه‌میزگه باش اورینگ!
تورکیه میدیالری نینگ گزارشی گه بناً، هوا ساووق‌لیگی قوتقرو تیم‌لرینی قیینچیلیک بیلن دوچ قیلگن.
۷.۸ درجه ریشترلیک اوشبو زلزله، تورکیه نینگ جنوب_شرقی حدودلری و سوریه شمالی نی قیمیردتگن. مذکور زلزله تورکیه و سوریه‌دن باشقه قبرس و لبنان‌ده هم حس ایتیلگن.
تورکیه جمهور باشلیغی رجب طیب اردوغان، اوشبو قانلی حادثه دن کیین ییتی کون‌لیک عمومی ماتم اعلام قیلگن.
عین حالده، تورکیه جمهور رئیسی رجب طیب اردوغان مذکور زلزله ده ۹۰۰ دن آرتیق کیشی اولیب و قریب ۵۴۰۰ کیشی ایسه یره‌لنگنینی ایتگن ایدی.
بیزلرنینگ توییترده هم تعقیب قیلینگ!
تورکیه دولت رهبری رجب طیب اردوغان، حادثه باعث زیان کورگنلر گه یاردم بیریش اوچون ۴۵ مملکت دن یاردم تکلیفی بیریلگنینی معلوم قیلگن.
امریکا زمین‌شناس‌لیک اداره‌سی نینگ معلوماتی اساسیده، اوشبو زلزله مرکزی ۲۴.۱ کیلومتر چقورلیک ده نورداغی شرقی دن ۲۳ کیلومتر اوزاق‌لیکده یوز بیرگن.
