داعش گروهی تشقی ایشلر وزیرلیگی یقینیده اویوشتیریلگن خودکش هجوم مسئولیتینی تن آلگن. داعش گروهی گه منسوب اعماق آژانسی، کابل شهری تشقی ایشلر وزیرلیگی یقینیده اویوشتیریلگن خودکش هجوم، اوشبو گروه نینگ ایشی دیه یازگن.
مذکور گروه دوشنبه کیچه، ۷ حمل، اوشبو هجوم عاقبتیده تشقی ایشلر وزیرلیگی نینگ دیپلومات‌لری شامل ۲۰ کیشی اولیب و یره‌لنگنینی ادعا قیلگن.
بیزلرنینگ فیسبوک صحیفه‌میزگه باش اورینگ!
عین‌حالده، اوتگن کون توش دن کیین ساعت ۱:۰۰ اطرافی ده، تشقی ایشلر وزیرلیگی یقینیده پارتلش یوز بیردی.
واقعه دن نیچه ساعت دن کیین، ایچکی ایشلر وزیرلیگی سوزلاوچیسی، کابل شهری ایکینچی حوزه حدودلری گه قره‌شلی «ملک‌اصغر» تورت یولی ده پولیس کوچلری نینگ چیک پاینتی یقینیده اویوشتیریلگن خودکش هجوم ده، آلتی تینج اهالی هلاک بولیب و اسلام امیرلیگی نینگ اوچ عسکری شامل بیر قطار کیشی‌لر یره‌لنگنینی ایتگن ایدی.
کابل ایمرجنسی کسلخانه‌سی اوز توییتری ده، واقعه طفیلی ایکی جسد و ۱۲ یره‌لی کیشی جمله دن بیر باله اوشبو کسلخانه گه انتقال بیریلگنینی یازگن.
بیزلرنینگ توییترده هم تعقیب قیلینگ!
ایتیش کیره‌ک که، نیچه کون آلدین تشقی ایشلر وزیرلیگی یقینیده داعش گروهی تامانیدن اویوشتیریلگن هجوم عاقبتیده، مذکور وزیرلیک نینگ دیپلومات‌لری شامل بیر قطار کیشی اولیب و یره‌لنگن ایدیلر.