تاشکینت خلقارا سرمایه کیریتیش فورمی ایکینچی کونی، بوگون (۲۷-جوزا، چهارشنبه)، تورلی مملکت رسمیلرینینگ نطقلری بیلن باشلنگن.
اوشبو فورمده اسلام امیرلیگی سودا و صناعت وزیرلیگی معینی احمدالله زاهد، افغانستاننینگ تشقی بازارلرگه قول تاپیشیگه تاکید قیلگن. زاهد، ییریک اقتصادی دستورلرگه افغانستان مشارکتینی اسلام امیرلیگی و دنیا آرهسیده علاقهلر رواجلنیشی اوچون فایدهلی دیگن. اونگه کوره: «خلقارا شرکتلردن قطاری افغانستان ده سرمایه کیریتیشگه قیزیقهدی و تجارت بولیمیده بولگن قیینچیلیکلرنی اوشبو فورم آرقهلی اونینگ اوچون قوشمه حل یوللرنی تاپیشگه سعیوحرکت قیلهمیز.»
مذکور فورمده اوزبیکستان جمهور باشلیغی شوکت میرضیایفنینگ ایتیشیچه، منطقهای ترانسپورت یولی اینیقسه افغان-ترانس یولی رواجلنیشی آسیا جنوبی سوولریگه قول تاپیش امکانیتینی یرهتهدی. «افغان-ترانس کریدوری لایحهسی توغریسیده فعال شکلده ایشنینگ دوامی بار؛ اوشبو لایجه جنوبدهگی دینگیز پارتلریگه توغریدن توغری قول تاپیش امکانیتینی یرهتهدی، اونگه علاوه ترانزیتی یولنی رواجلنتیرماقچینمیز که خزر دریاسی آرقهلی اوتسه. اوشبو لایحهلر یکونلنیشی بیلن آسیا و اروپا نی باغلهیدیگن ییریک ترانسپورت قتناو یوللری ترماغیگه باغلهنیشیمیز ممکن.»
تاشکینت حاکمی میرزایوفظاهر طاهرویچنینگ ایتیشیچه، افغانستان اوزبیکستان اوچون یخشی اقتصادی-تجاری شریک دیر. اونینگ کوپهیتیریشیچه: «جمهور باشلیغی بو جریاننینگ یخشیلنیشی و یوللرنینگ آچیقراق بولیشیگه مخصوص اعتبار قرهتگن. اوشبو موضوع افغانستانلیک سوداگرلر و کمپنیهلر اوچون بوتونلی شکلده کوریلیشی و حس بولیشی ممکن. انه شوو سبب اولر قیزیقیشلرینی بیلدیرهدیلر، کیلهدیلر و اولر سانی هم کوپهیماقده.»
اوتگن کونی اوزبیکستان ده باشلنگن تاشکینت خلقارا سرمایه کیریتیش بیشینچی فورمیده، ۱۰۰ دن آرتیق مملکت و دنیا تشکیلاتلری شرکت قیلگن.
