ینگی‌لیکده روسیه تشقی ایشلر وزیری اۉرین باسری میخاییل گالوزین، مسکو افغانستان ده همه‌شمول حکومت تشکیل اېتیلمه‌گونچه، اسلام امیرلیگینی تن آلمسلیگینی بیلدیرگن.
روسیه تشقی ایشلر وزیرلیگی اۉرین باسری بو سۉزلرنی ینگی‌لیکده اۉزبېکستان تشقی ایشلر وزیرلیگی ده اۉتکزیلگن ییغیلیش ده بیان قیلگن.
اسلام امیرلیگی روسیه تشقی ایشلر وزیری اۉرین باسری نینگ اوشبو بیاناتی گه حاضرگچه مناسبت بیلدیرمه‌گن و اسلام امیرلیگی سۉزلاوچیلری بوتوغریده سلام‌وطندار نینگ سوال‌لری گه جواب قیتریش گه حاضر بولمه‌دیلر.
شو بیلن بیرگه، سیاسی ایش بیلرمان‌لر مملکت ده دایمی تینچلیک و ثبات برقرار اېتیلیشی اوچون شایسته‌سالارلیک اساسیده همه‌شمول حکومت تشکیل اېتیلیشینی جدی نیاز بیله‌دیلر.
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان عبدالشکور دادرس، افغانستان ده همه‌شمول حکومت یوق‌لیگی گه دایر دنیا همجمعیت نینگ خواطرلرینی بجا دیب و اسلام امیرلیگی دن همه‌شمول حکومت تشکیل بولمسلیک بهانه‌سی بیلن باشقه مملکتلر نینگ افغانستان ایشلری گه اره‌لشمسلیگی اوچون بونده‌ی اېستک‌لرنی انابت گه آلیشینی سوره‌یدی.
عبدالشکور داردس نینگ سلام‌وطندار گه ایتیشیچه: «بیرلشگن ملتلر تشکیلاتی دایمی ثبات برقرار اېتیلیشی گه تاکید اېته‌دی، شو مورد نی نظرگه آلگن حالده، بیر مملکت ثباتیده قیینچلیک بولسه باشقه مملکتلر هم ضرر کوره‌دی، شونی اوچون حکومت شونده‌ی اسلوبی گه دوام اېتسه باشقه مملکتلر نینگ همه‌شمول حکومت تشکیل اېتیلیشینی سوره‌ش گه حقی بار.»
روسیه بیر قنچه ساحه‌لرده اسلام امیرلیگی بیلن همکارلیک قیلماقده اېکن، اسلام امیرلیگی تن آلینیشی اوچون همه‌شمول حکومت تشکیل اېتیلیشی گه تاکید اېتگن.
بیزلرنینگ «ایکس» ترماغی ده هم تعقیب قیلینگ!
شو بیلن بیرگه روسیه، سۉنگی قریب اوچ ییل ده افغانستان مسئله‌سی گه دایر جدی خواطر بیلدیرگن و ینگی‌لیکده، اوشبو مملکت مدافعه وزیری سرگئی شویگو منطقه مملکتلر افغانستان تامانیدن تهدید بولیشینی ادعا قیلگن.
شو بیلن بیرگه ایش بیلرمان‌لردن بیرقطاری افغانستان گه نسبتن روسیه نینگ ایکّی تور سیاستیدن خواطر بیلدیریب روسیه افغانستان ده‌گی وضعیت گه دایر خواطرلرینی حل قیلمه‌گونچه، اسلام امیرلیگی بیلن مناسبتی دفاکتو قالیشی ممکن.
خلق‌ارا مناسبت‌لر ایش بیلرمانی اجمل زرمتی نینگ سلام‌وطندار گه ایتیشیچه: «افغانستان ده‌گی وضعیت دوام اېتیشی اوچون روسیه شونده‌ی سیاستی گه دوام بیرماقده، روسیه نینگ خواطرلری گه جواب قیتریلمه‌گونچه دفاکتو سیاستی گه دوام بیریشی ممکن.»
ایتیش کېره‌ک، اسلام امیرلیگی بوندن آلدین اۉز حکومتینی همه‌شمول اته‌ب و بوتوغریده هر قنده‌ی فکر-ملاحظه‌نی افغانستان نینگ ایشلری گه اره‌لشیش دیه آگاه‌لنتیرگن.
