اوزبیکستان ییتکرمه‌لری نینگ گزارشی اساسیده، قزاقستان جمهور باشلیغی قاسم جومارت توقایف و اوزبیکستان جمهور باشلیغی شوکت میرضیایف، جمعه کونی اوچره‌شگنلریده افغان-ترانس تیمیر یولی رواجلنیشی اوچون قوشمه سرمایه یاتقیزیش و بیر شرکت ایجاد قیلیش خصوصیده کیلیشگنلر.
مذکور اوچره‌شووده، ایکی تامان بو لایحه نینگ عمل گه آشیریلیشی نی، جنوبی آسیا گه سوداگرلیک توارلر انتقال بیریلیشی نینگ کوپه‌یشی اوچون یخشی بیر فرصت دیگنلر.
شونده‌ی بیرحالده، اقتصادی ایش بیلرمان‌لردن قطاری، افغان-ترانس تیمیر یولی رواجلنیشی اوچون ایکی مملکت نینگ ینگی قرار‌لریدن خورسند‌لیک قیلیب ایتیشلریچه، حاضرگچه افغانستان توپراغیده بو لایحه نینگ عمل گه آشیریلیشی اوچون جدی قیین‌چیلیک‌لر بار که، دنیا نینگ همکارلیک‌لری، کوچلی اراده و اسلام امیرلیگی آرقه‌لی زمینه یره‌تیلیش گه نیاز دیر.
بیزلرنینگ فیسبوک صحیفه‌میزگه باش اورینگ!
اقتصادی ایش بیلرمان‌لریدن سیر قریشی نینگ ایتیشیچه: «بو لایحه نینگ یولگه قویلیشی اوچون اوشبو ایکی مملکت آرقه‌لی قوشمه شرکت قوریلیشی ایجابی بیر آدیم دیر. بیراق مذکور لایحه نینگ باشلنگنی‌دن حاضرگچه قیین‌چیلیک‌لری بولگن که، لایحه خره‌جتی بولگن، اسلام امیرلیگی فنی و مدیریتی کوچلر کم‌لیگی بیلن روپه‌ره دیر. شونینگدیک ساختمانی ماده‌لر کم‌لیگی. هیچ کیم بو لایحه نینگ عمل گه آشیریلیشی گه متعهد ایمس.»
شونینگدیک اقتصادی ایش بیلرمان‌لردن باشقه بیری قیس محمدی نینگ ایتیشیچه: «بو لایحه نینگ اهمیتی نه فقط افغانستان، بلکیم منطقه مملکت‌لری گه هم اونملی دیر. افغانستان حاضرگی شرایط‌ده ییترلی منبع‌لر گه ایگه ایمس. قوشمه همکارلیک‌لر گه نیازی بار. قوشمه منفعت‌لی مملکتلر اوز منفعت‌لری نی تضمین قیلسین‌لر. تخنیکی و مالی حمایت‌لر گه جدی شکلده نیاز بولگنی بیرحالده، بو نیاز دولت اراده‌سی گه دیر که اوشبو لایحه نینگ عمل گه آشیریلیشی اوچون جدی آدیم کوتاریشی کیره‌ک.»
بیلرمانلر، افغان-ترانس لایحه‌سی نینگ عمل گه آشیریلیشی نی، آلیش-بیریش خره‌جتلری کمه‌یشی و منطقه بیلن افغانستان نینگ تجاری رابطه‌سی کینگه‌یشی خصوصیده فایده‌لی بیله‌دیلر.
بیزلرنینگ «ایکس» ترماغی ده هم تعقیب قیلینگ!
تیمیر یولی اداره‌سی سوزلاوچیسی سمیع‌الله درانی نینگ سلام‌وطندار گه ایتیشیچه، افغان-ترانس تیمیر یولی رواجلنیشی اوچون اوزبیکستان و قزاقستان نینگ ینگی قراری نی، مذکور مملکتلر گه تیگیشلی بیله‌دی، بیراق ایتیشیچه، بو لایحه نینگ عمل گه آشیریلیشی اوچون افغانستان تامانیدن مکمل تیارگرلیک بار. «بو لایحه نینگ عمل گه آشیریلیشی اوچون مکمل تیارگرلیک بار؛ تیمیر یولی اداره‌سی بو توغریده سرمایه یاتقیزیلیش نینگ تیارلماقچین که اوشبو منطقه‌یی لایحه‌ده سرمایه یاتقیزیلسین.»
ایلک مراتبه اوزبیکستان ۲۰۱۸-ییلده افغان-ترانس تیمیر یولی لایحه‌سی تطبیق بولینیشی نی پیشنهاد بیریب و کیله‌سی ۵ ییل‌گچه قریب ۵ میلیارد دالر خره‌جت بیلن اونینگ بیتیشی گه قرار آلینگن ایدی.
مذکور لایحه افغانستان، پاکستان و اوزبیکستان آره‌سیده دیر که اونینگ اساسیده، تیمیر یولی مزارشریف دن پاکستان چیگره‌سی گه قدر باریب و افغانستان یولی آرقه‌لی مرکزی آسیا نی جنوبی آسیا گه باغله‌یدی.
