اسلام امیرلیگی سۉزلاوچیسی ذبیحالله مجاهد، تورکیهنینگ استانبول شهریده پاکستان هیئتی بیلن اۉتکزیلگن مذاکرهلر نتیجهسیز توگهگنینی معلوم قیلگن.
ذبیحالله مجاهد، ۱۷-عقرب، شنبه کونی ایکس صحیفهسیده بیر بیانیه ترقهتیب قطر و تورکیهنینگ میزبانلیک قیلگنلیگی و واسطهچیلیگیدن منتدارلیک بیلدیرگن.
مجاهد جنابلریگه کوره، ایکی مملکت اورتهسیدهگی کېسکینلیکلر توبدن حل اېتیلیشی مقصدیده کابل بو مذاکرهلرده اشتراک اېتگن اېدی؛ بیراق پاکستان هیئتی مذاکرهلر دوامیده اۉزیگه عاید برچه خوفسیزلیک مسئولیتلرنی اسلام امیرلیگی گه یوکلشگه سعی-حرکت قیلگن و افغانستان خوفسیزلیگی یا کی حتا اۉز خوفسیزلیگی بارهسیده هم هر قندهی مسئولیتنی تن آلیشدن باش تارتگن.
بیانیهنینگ بیر بولیمیده شوندهی کېلگن: «پاکستان هیئتینینگ مسئولیتسیز حرکتی و همکارلیک قیلمسلیگی سببلی، اسلام امیرلیگینینگ یخشی نیتی و واسطهچیلرنینگ سعی-حرکتی بیلن، هېچ قندهی نتیجه گه ایریشه آلمهدیک.»
ذبیحالله مجاهد، اسلام امیرلیگی هېچ کیمگه افغانستان حدودیدن باشقه دولتلر گه قرشی فعالیت قیلیشگه ایزین بیرمسلیگینی تأکیدلهگن.
شو بیلن بیرگه، پاکستان مدافعه وزیری خواجه محمدآصف، اسلام امیرلیگی بیلن تورتینچی باسقیچ مذاکره اوچون هېچ قندهی ریجهلری یوقلیگینی بیلدیرگن.
پاکستان مدافعه وزیری جیونیوز گه ایتیشیچه، تورکیهده بو مملکتنینگ اسلام امیرلیگی بیلن اوچینچی باسقیچ مذاکرهلری نتیجهسیز یکونلنگن.
اسلام امیرلیگی و پاکستان اورتهسیده اوچینچی باسقیچ مذاکرهلر اوتگن هفته پنجشنبه کونی استانبول شهریده باشلنگن اېدی.
