فاریاب ولایت حاکمی نقیب‌الله فایق‌نینگ سلام وطندارگه ایتیشیچه، فاریاب‌ده طالبان تامانیدن ناملنگن معارف باشلیغی، مذکور ولایت نینگ دولت‌آباد تومنیده‌گی مکتب‌لرده اوزبیک تیلی درس بیریلمه‌یشی‌گه حکم بیرگن.
اونینگ ایتیشیچه، طالبان گروهی‌نینگ کوپینچه اعضالری اوزبیک دیر، بیراق بو ولایتده طالبان گروهی قومی تعصب‌لرگه قول اوریشه‌دی.
فاریاب مدنی جماعه‌چیلیک کاتبی نظرمحمد رضوانی‌نینگ ایتیشیچه، اوزبیک مضمونی طالبان تامانیدن حذف بولینیشی اوزبیک‌لرنی خواطرلنتیرگن.
جناب رضوانی‌گه کوره، قومی تعصب‌لرگه قول اوریش جامعه‌ده کوپینچه قیینچیلیک یره‌ته‌دی و حکومت معارف مسئول‌لری، بو حقده جواب بیریش‌لری کیره‌ک.
اوزبیکی تیلی‌ده تعلیم کورگن سید احسان‌الله سیزگین‌نینگ ایتیشیچه، طالبان گروهی اوزبیکلر یشه‌یدیگن منطقه‌لرده ییگیتلر و باله‌لرنی اوز آنه تیل‌لریگه درس اوقیشدن محروم قیلگن. اونگه کوره، اوزبیک بولیش جرمی بیلن بیر کون بوینی‌میزنینگ کیسیلیشی ممکن.
فاریاب معارف ریاستی‌نی فکرینی آلیش اوچون سعی و حرکت قیلدیک، بیراق موفق بولمه‌دیک.
بیراق طالبان گروهی‌نینگ سوزلاوچیسی قاری یوسف احمدی، بونده‌ی بیر موضوع نی رد قیلیب و بو خبرنی «مش‌مش» دیگن.
