چین، پاکستان و افغانستان تشقی ایشلر وزیرلری آرقه‌لی اوچ تامانلمه ییغین شنبه کونی، ۱۶-ثور، اسلام‌آباد ده یولگه قوییلدی که، اوشبو ییغین‌ده چین و پاکستان اسلام امیرلیگی حکومتی بیلن اقتصادی همکارلیکلر خصوصیده سوز بیرگن.
شونینگدیک اوشبو ییغین‌ده، افغانستان توپراغیدن چین و پاکستان خوفسیزلیک خواطرلری نینگ اورته‌دن کیتکزیلیشی خصوصیده تاکید بولگن.
مذکور ییغین‌ده پاکستان تشقی ایشلر وزیری بلاول بوتو زرداری نینگ ایتیشیچه: «اقتصادی و اجتماعی رواجلنیشی اوچون، منطقه‌ده آسایشته‌‌لیک و افغانستان ده تینچ‌لیک حیاتی بیر امر دیر. باشقه شریک‌لریمیز بیلن تینچ بیر افغانستان اوچون ایش‌لریمیز گه دوام بیریشی‌میز ممکن.»
بیزلرنینگ فیسبوک صحیفه‌میزگه باش اورینگ!
شونینگدیک چین تشقی ایشلر وزیری چین‌گانگ نینگ ایتیشیچه، اوشبو مملکت اقتصادی قیته قوریش بولیم‌لریده کابل‌دن حمایت قیلیش خصوصیده تیار دیر.
جناب گانگ نینگ کوپه‌یتیریشیچه: «اسلام امیرلیگی اوزیگه اورته یانده‌شوو اساسیده سیاست‌نی تنلب افغانستانده برچه شمول بیر دولت قورسین و قوشنی مملکت‌لر بیلن بولگن یخشی علاقه‌لرینی سقله‌سین.»
اوشبو اوچ تامانلمه ییغین پاکستان میزبانلیگی گه یولگه قوییلگن. شونینگدیک مذکور ییغین گه سرپرست حکومت نماینده‌سی کبی اسلام امیرلیگی تشقی ایشلر وزیرلیگی سرپرستی امیر‌خان متقی هم دعوت بولگن ایدی.
پاکستان ایسته‌گی اساسیده، اسلام‌آباد گه جناب متقی نینگ سفری، بیرلشگن ملت‌لر تشکیلاتی نینگ خوفسیزلیک کینگش تحریم‌لری گه نظارت قیلووچی کمیته آرقه‌لی صورت تاپگن.
شونده‌ی بیرحالده، خلق‌ارا رابطه‌لر بیلرمانی محمد‌اکرم عارفی نینگ سلام‌وطندار گه ایتیشیچه، چین و پاکستان افغانستان ده اقتصادی فایده کیتی‌ده دیر؛ بیراق چین نینگ خوفسیزلیک خصوصیده هم خواطری بار.
باشقه بیر تامان‌دن، خلق‌ارا رابطه‌لر بیلرمانی حبیب‌الله جعفری، اسلام امیرلیگی گه پاکستان و چین همکارلیک وعده‌سی گه تیگیشلی ایتیشیچه، برچه منطقه‌یی مملکت‌لر چیگره‌لریده خوفسیزلیک تامین‌لنیشی و ملی منفعت‌لری کیتی‌ده دیر.
اسلام امیرلیگی سوزلاوچی اورین‌باسرلریدن بلال‌کریمی نینگ ایتیشیچه، پاکستان، چین و افغانستان تشقی ایشلر وزیرلری نینگ اوچ تامانلمه ییغینی، سرپرست حکومت نینگ دیپلماسی تحرکی نی کورسته‌دی و اوشبو ییغین‌ده افغانستان نینگ حقیقت‌لری بازتاپ تاپگن.
بیزلرنینگ توییترده هم تعقیب قیلینگ!
جناب کریمی نینگ ایتیشیچه: «اوشبو ییغین منطقه ثباتی خصوصیده و شونینگدیک ترانزیت، سوداگرلیک و اقتصاد بولیمی ایدی. اسلام امیرلیگی مملکت نینگ برچه حقیقت‌لری نی و شونینگدیک افغانستان اهالی‌سی نینگ ایسته‌ک‌لری نی شریک قیلگن. منطقه‌یی تینچ‌لیک مسئله‌لر حلی‌ده اونملی بیر عنصر که، نیازمند‌‌میز و مملکت‌لر هم نیازی بار. اسلام امیرلیگی نینگ قدرت گه ایریشگنیدن کیین، افغانستان جغرافیه‌سی تینچ‌لیککه اوزگرگن.»
ایتیش کیره‌ک که، افغانستان ده اسلام امیرلیگی نینگ قدرت گه ایریشگنیدن بیری، افغانستان حقیده کوپینچه منطقه‌یی ییغین‌لر یولگه قوییلدی که، هند ده شانگ‌های همکارلیکلر تشکیلاتی نینگ تشقی ایشلر وزیرلری ییغین‌دن کیین، اسلام‌آباد ده اوچ تامانلمه ییغین یولگه قوییلدی.
شونده‌ی بیرحالده، یولگه قوییله‌دیگن برچه ییغین‌لرده، اوشبو ییغین‌لر گه شرکت قیلگنلر تامانیدن افغانستان ده همه شمول حکومت ایجاد بولیشی و تروریزم گه قرشی کوره‌ش خصوصیده تاکید بولگن.
