اسلام امیرلیگی یشش محیط‌نی اسره‌ش ملی اداره عمومی باشلیغی مطیع‌الحق خالص، بوگون (۲۰عقرب، یکشنبه) تخنیکی بیر هیئت باشچیلیگی‌ده، بیرلشگن ملتلر تشکیلاتی‌نینگ اقلیم اۉزگریش‌لری ۲۹-ییغیلیشی‌ده اشتراک اېتیش اوچون، آذربایجان جمهوریتی گه سفر قیلگن.
یشش محیط‌نی اسره‌ش ملی اداره عمومی باشلیغی گه کوره، بیرلشگن ملتلر تشکیلاتی‌نینگ اقلیم اۉزگریشی ۲۹-ییغیلیشی‌ده افغانستان هیئتی اشتراک اېتیش بیلن، افغانستان‌ده اقلیم اۉزگریشی طفیلی زیان‌لر حقیده قیینچیلیک‌لرنی پایله‌شیشی ممکن.
مطیع‌الحق خالص نینگ کوپه‌یتیریشیچه: «بیز COP-29 کنفرانسی قاعده‌لری اساسیده، اقلیم اۉزگریشی و یشش محیط قیینچیلیک‌لرینی دنیا همجمعیت بیلن شریک قیلیب و افغانستان خلقی‌نینگ آوازینی اېشتیریش گه سعی-حرکت قیله‌میز.»
بیزلرنینگ فیسبوک صحیفه‌میزگه باش اورینگ!
بوندن آلدین، بیرلشگن ملتلر تشکیلاتی‌نینگ خلق‌ارا آزیق-آوقت دستوری افغانستان اقلیم اۉزگریشی نقطه‌ی-نظریدن دنیا بویلب آلتینچی اورینده قرار تاپیب و میلادی اوشبو ییل‌ده سوو تاشقینی و قوروقچیلیک مملکت بوتون ولایت‌لری گه سلبی تأثیر قویگنینی اېتگن اېدی. اونگه کوره، سوو تاشقینلری طفیلی ۱۶۰ مینگ کیشی نقصان کورگن، ۲۰ مینگ یشش اوی و مینگلب هکتار ایکینچیلیک ییر بوزیلگن.
شونینگدیک، افغانستان‌ده بیرلشگن ملتلر تشکیلاتی‌نینگ باله‌لرنی قۉللب-قوتلاوچی صندیغی (یونیسف) کابل شهری میلادی ۲۰۳۰ ییل‌گه قدر ایچیملیک سوو تنقیص‌لیگی بیلن روپه‌ره بولیشی حقیده آگاه‌لنتیرگن. یونیسف‌نینگ کوپه‌یتیریشیچه، اقلیم اۉزگریشی سلبی عاقبتلری افغانستان‌نینگ بویوک شهرلری اینیقسه کابلده ییر آستی سوولری سیزیلرلی درجه‌ده کمه‌یشی گه سبب بولگن.
افغانستان گل‌خانه‌ای گاز ایشلب چیقریش‌ده آز حصه‌سی بولسه‌ده؛ بیراق اقلیم اۉزگریشی طفیلی اېنگ زیان کورگن ۱۰ مملکت آره‌سیده قرار تاپگن.
بیزلرنینگ «ایکس» ترماغی ده هم تعقیب قیلینگ!
یشش محیط ایش بیلرمان‌لریدن بیرقطاری‌نینگ ایتیشلریچه، کاپ ۲۹ ییغیلیشی‌ده اسلام امیرلیگی وکیلی‌نینگ حضوری، باشقه مملکتلرنی اقلیم اوزگریشی طفیلی قتیق زیان کورگن افغانستانده‌گی وضعیت‌نی بیلدیریب و بونگه قرشی کوره‌ش اوچون یاردم سوره‌شی ممکن.
یشش محیط ایش بیلرمانی سیدمحمد سلیمان‌خیل گه کوره: «دنیا؛ کاپ ۲۹ ییغیلیشی اۉتکزیلیش عرفه‌سیده قرار تاپگن و اوچ ییل‌دن بیری اسلام امیرلیگی چقیریلمس اېدی و بو سلبی عاقبت گه سبب بولدی. بو ایش خلق‌ارا یاردملرنی جلب اېتیش اوچون انسانی بحران کمه‌یشی گه سبب بولیشی ممکن.»
یشش محیط ایش بیلرمان‌لریدن باشقه بیری مصطفا احمدزی، کسللیکلر ترقه‌لیشی، کیتمه-کیت قوروقچیلیک، ییر آستی سوولری کمه‌یشی، موزلر ییریشی اقلیم اۉزگریشی عاقبت‌لریدن بولیب و کوپراق افغانستان زیان کورگنینی اېته‌دی.
بیرلشگن ملتلر تشکیلاتی‌نینگ اقلیم اۉزگریشی ۲۹- ییغیلیشی اېرته (۲۱-عقرب/ ۱۱-نومبر، دوشنبه) آذربایجان پایتختی باکو شهریده اۉتکزیلیب و ۲۲-نومبرگچه دوام تاپیشی اېتیلگن.
