بغلان قیزیل آی جمعیتی ریاستی مسئوللری نینگ ایتیشلریچه، ایران اسلامی جمهوریتی قیزیل آی جمعیتی، اوشبو ولایتده سوو تاشقینلردن جبرلنگنلرگه آزیق-آوقت محصولاتی بیلن باشقه بیر قطار نرسه یاردم بیرگن.
غور قیشلاق‌لر نی رواجلنتیریش و قیته قوریش ریاستی نینگ ییتکرمه‌لر دفتری مسئولی ذبیح‌الله غوثی‌زاده گه کوره، اوشبو ولایتده یاردم بیرووچی نهادلر نیازمند و سوو تاشقینی‌دن زیان کورگن توقیز مینگ ۳۱۰ عایله گه آزیق-آوقت محصولاتی بیلن بیر قطار نرسه ترقه‌تگنلر.
ایران نینگ ۲۰ تُن‌لیک انسان‌پرورلیک یاردملری بلخ گه ییتیب کیلگن.
بلخ حاکمی اورین‌باسری نورالهادی ابوادریس نینگ ایتیشیچه، سونگی سوو تاشقینلر نتیجه‌سیده زیان کورگنلر نی قوللب-قوتلش مقصد، ایران نینگ انسان‌پرورلیک ایلک یاردملری اوتگن کونی بلخ گه ییتیب کیلگن.
بیر هفته‌دن کوپراق زمان‌دن بویان بغلان، غور، تخار، فاریاب، بدخشان، سمنگان، بادغیس، بامیان و کاپیسا ولایت‌لریده هلاکتلی سوو تاشقینلر یوز بیریب و کوپنیچه مالی و جانی زیان‌لر گه سبب بولگن.
اۉزبېکستان ۲۰۰ تُن‌لیک انسان پرورلیک یاردم‌لرنی بلخ گه یوباردی. بو یاردملر، بوگون (۱-جوزا، سه‌شنبه کونی) حیرتان سوداگرلیک بندری آرقه‌لی بلخ ولایتی گه یېتیب کېلگن و اوشبو ولایتده‌گی محتاج کیشی‌لر گه توزیع بولیشی کوتیله‌دی.
افغانستان ده یوز بیرگن سوو تاشقینلردن زیان کورگنلر وضعیتی خصوصیده خلق‌ارا خواطرلر بیلن بیرگه، غور و بغلان ده سوو تاشقینلریدن زیان کورگنلر آزیق-آوقت، ایچیم‌لیک سوو و باش‌پنه امکانیت‌لریگه قول تاپه آلمسلیکدن شکایت قیلیب و ایتیشلریچه، مسئول نهادلر اولر گه یاردم بیرمه‌گن.
«باله‌لریم نی چیقرگن ایدیم؛ آوقت‌لنیش پیتیده سیل کیلدی. هیچ نرسه‌سی نی قوتقره آلمه‌دیک، یالغیز بیر باتری نی اوزیم بیلن آلیب چیقدیم و باشقه همه نرسه سوو آستیده قالیب و سوو تاشقینی گه کیتدی.»
۲۶-ثور، چهارشنبه کونی کابل ده اسلام امیرلیگی و بیرلشگن ملتلر تشکیلاتی نماینده‌لیک‌لری اۉرته‌سیده هماهنگ‌لیک مقصدیده ییغیلیش یولگه قوییلدی. اوشبو ییغیلیش ده اسلام امیرلیگی تشقی ایشلر وزیرلیگی سرپرستی امیرخان متقی، اۉتگن اوروش‌لر، قوروقچیلیک، سوو تاشقین‌لری و باشقه موردلرنی افغانستان ده‌گی اساسی قیینچیلیک‌لردن دیب و اسلام امیرلیگی برچه قیینچلیک‌لرنی باشقره آلمسلیگینی بیلدیرگن.
غزنی ده طبیعی واقعه‌لردن زیان کورگنلردن قطاری انسان‌پرورلیک یاردملر ییتیشمسلیگی‌دن شکایت قیلیب و ایتیشلریچه، حیات نینگ دستلبکی امکانیت‌لریدن فایده‌لنه آلمسلیک، اولر نی یامان بیر وضعیت بیلن روپه‌ره قیلگن.
بدخشان نینگ تشکان، کوهستان، تگاب، درایم و وردوج تومن‌لریده یوز بیرگن سونگی سوو تاشقینلریدن زیان کورگنلردن قطاری، یاردملر ترقه‌تیلیش جریانی سُست‌لیگیدن شکایت قیلیب و ایتیشلریچه، مذکور ولایتده سوو تاشقین‌لری یوز بیرگنی‌دن نیچه کون اوتگنی بیلن یالغیز چادر و نیچه ته ایدیش قولگه کیلتیرگنلر.
قطر نینگ اوشبو انسان پرورلیک یاردملری بوگون (۲۴-ثور، دوشنبه کونی) توشدن سۉنگ مذکور مملکت وکیل‌لری تامانیدن مزارشریف شهری ده مولانا جلال‌الدین محمد بلخی هوا قونالغه‌سیده اسلام امیرلیگی مسئوللری گه تاپشیریلگن.
بلخ ولایتی محلی مسئوللری نینگ ایتیشلریچه، سوو تاشقینلریدن زیان کورگن عایله‌لر گه یاردم بیریش مقصد، بغلان ولایتی گه آزیق-آوقت محصولاتی بیلن بیر قطار نرسه یوباریلگن.
غور محلی مسئوللری نینگ ایتیشلریچه، اوشبو ولایتده ۱۱ مینگ‌دن آرتیق نیازمند عایله گه ییگولیک ماده یاردم بیریلگن.
مسئوللر گه کوره، اوشبو یاردملر غور قیشلاق‌لر نی رواجلنتیریش و قیته قوریش ریاستی هماهنگ‌لیگی بیلن بیرلشگن ملتلر تشکیلاتی نینگ خلق‌ارا آزیق-آوقت دستوری آرقه‌لی، نیازمند عایله‌لر گه ترقه‌تیلگن.
بغلان ولایتی کرکر منطقه‌سیده‌گی قوم بویوکی حسام‌الدین نینگ ایتیشیچه، اوشبو منطقه یشاوچیلری برچه نرسه‌لری نی قولدن بیرگنلر و بو منطقه‌ده یوز بیرگن سونگی سوو تاشقینلر نتیجه‌سیده، کمیده ۱۵۰ عایله زیان کورگن.
قندوز و پنجشیر ولایت‌لری نینگ محلی مسئوللری، بغلان ده سوو تاشقین‌لری طفیلی جبرلنگنلر گه یاردم بیریش اوچون اوشبو ولایت گه یاردم بیرووچی تیملری نینگ یوباریلگنینی معلوم قیلگنلر.
مجاهد، ۲۱-ثور جمعه کونی ایکس اجتماعی ترماغیده بیر بیانیه ترقه‌تیب، طبیعی آفت‌لرنی باشقریش ایشلری بوییچه دولت وزیرلیگی، ایچکی ایشلر وزیرلیگی و ولایت مسئوللری گه، مذکور ولایت‌لرده طبیعی آفت‌لر عاقبتیده اۉلیب ویره‌لنگنلر گه یاردم کورسه‌تیش اوچون بار امکانیت‌لریدن فایده‌لنیش بویروغی بیریلگنینی یازگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
