پنج‌شنبه کونی، ۱ سرطان، افغانستان تورکلری بیرلشگن ملت‌لر تشکیلاتی باش کاتبی گه آچیق خط یوللب، افغانستان نینگ شمالی و شمال‌شرقی ولایتلریده قوراللنگن پاکستان‌لیک طالبلر تحریکی (تی‌تی‌پی) جایلشتیریلیشیدن آگاه‌لنتیرگن.
اوشبو مکتوب ده، اسلام امیرلیگی حاکمیتیدن کیین افغانستان ینه سیاسی، اجتماعی، اقتصادی، مدنی و خوفسیزلیک انقراض و بحران‌لر باسقیچیگه کیرگن دیب یازیلگن.
بیزلرنینگ فیسبوک صحیفه‌میزگه باش اورینگ!
افغانستان تورکلری، مذکور مکتوب ده، مملکت ده‌گی قومی تبعیض و شمالی ولایتلرده مهاجرلر آتیده پاکستان‌لیک طالبلر تحریکی جایلشتیریلیش سیاست‌لری برابری ده مال و جان‌لریدن مدافعه قیلیشنی مشروع حق‌لریدن عنوان قیلیب و برچه توان‌لری بیلن هر قنده‌ی هجوم گه قرشی توختش‌لریدن آگاه‌لنتیرگنلر.
اولر، اسلام امیرلیگی نینگ مملکت شمالی ده‌گی قوملر برابری ده‌گی سیاست‌لری دن خواطر بیلدیریب، بو کبی حرکت‌لر دوامی حاضرگی وضعیت نی مرکب و کیسکین‌لشتیرگنینی ایتگنلر.
افغانستان تورکلری، تورکلر نینگ کلتوری گه هجوم قیلیش، تورکلر نینگ تاریخی شخصیت‌لرینی حقارت قیلیش، شاعرلر و یازووچیلر اوز باشیمچه‌لیک روشده قولگه آلینیشی، تورکلر نینگ اوی_جای‌لریدن زوردن کوچیریش، اوزبیک تیلی ده یازیلگن لوحه‌لر کوتاریلیشی، مهاجرلر آتیده تی‌تی‌پی اعضالرینی ریجه‌لی و سیستماتیک روشده شمال و شمال‌شرقی ولایت‌لر گه کوچیریش نی، اسلام امیرلیگی نینگ سیاست‌لری گه عاید ادعالر اثباتی اوله‌راق عنوان قیله‌دیلر.
اولر بیرلشگن ملت‌لر تشکیلاتی باش کاتبی دن، افغانستان شمالی ده قوراللنگن پاکستان‌لیک طالبلر کوچیریلیش خواطرلرینی، اسلام امیرلیگی بیلن شریک قیلیشینی سوره‌گنلر.
بیزلرنینگ توییترده هم تعقیب قیلینگ!
نیچه کون آلدین اسلام امیرلیگی سوزلاوچیسی ذبیح‌الله مجاهد، پاکستان‌لیک مهاجرلرنی چیگره‌دن اوزاق منطقه‌لر گه کوچیریلیشی ممکن‌لیگینی ایتگن ایدی.
ایتیش کیره‌ک که، افغانستان نینگ شمال و شمال‌شرقی ده پاکستان‌لیک طالبلر کوچیریلیشی خصوصیده عین‌حالده خواطر بیلدیریلماقده، سونگی کون‌لرده تخار، سرپل و فاریاب کبی قطار ولایتلرده محل یشاوچیلری و کوچیلر آره‌سیده تارتیشوولر اوج آلگن.
