معلومات و مدنیت وزیرلیگی مسئوللری، بوگون (یکشنبه، ۲-میزان)، کابل طبیات بیلیم یورتی‌ده (ابوعلی ابن سینا)، کتاب کورگزمه‌سی نینگ آچیلیش مراسمیده ایتیشلریچه، بوندن بویان اقتصادی قیین‌چیلیک بیلن روپه‌ره بولگن یازووچیلر نینگ کتاب‌لری نی تیکین شکلده چاپ قیله‌دیلر.
معلومات و مدنیت وزیرلیگی نینگ نشرات ایشلری بوییچه معینی حیات‌الله مهاجر فراهی نینگ ایتیشیچه: «اقتصادی قیین‌چیلیگی بولگن یازووچیلر نینگ کتاب‌لری نی تیکین شکلده چاپ قیله‌میز و شونینگدیک اوقیتووچیلر و طلبه‌لر دولتی میدیالر نینگ نشراتی ماده‌لر محتواسی یخشی‌لنیشی اوچون، موضوع‌لری نینگ نشر گه یوباریش‌لری نی ایسته‌یمیز.»
شونده‌ی بیرحالده، کابل طبیات بیلیم یورتی مسئوللری نینگ ایتیشلریچه، طبی، سیاسی، اجتماعی، و عمومی معلومات بولیم‌لریده یوز عنوان‌دن کوپ کتاب، اوشبو کورگزمه‌ده اوچ کون‌گچه نمایش گه قوییلگن.
بیزلرنینگ فیسبوک صحیفه‌میزگه باش اورینگ!
کابل طبیات بیلیم یورتی سرپرستی اسد‌الله نجات نینگ ایتیشیچه: «دایم کتاب کورگزمه‌لری نینگ یولگه قوییشی‌میز کیره‌ک و بو کورگزمه‌ده طبی، اجتماعی، تاریخی، ادبی و عمومی معلومات بولیم‌لریده کتاب‌لر نمایش گه قوییلگن.»
مذکور کورگزمه گه شرکت قیلگنلردن قطاری، نیازلری بولگن کتاب‌لر نینگ آلیشلری خصوصیده بو کبی کورگزمه‌لر نی یخشی بیر فرصت بیله‌دیلر.
کابل طبیات بیلیم یورتی طلبه‌سی و اوشبو کورگزمه گه شرکت قیلگنلردن بیری احمد‌ولی نوری نینگ ایتیشیچه: «بو کبی کورگزمه‌لر نینگ یولگه قوییلیشی فایده‌لی دیر، چونکه بو ییردن ۶۰۰ آلگنیم کتاب‌لر نی بازار‌دن ۱۱۰۰-۱۲۰۰ ساتیب آله‌ر ایدیم یعنی قیمتی یریم بولگن. بو کبی کورگزمه‌لر نینگ کوپراق یولگه قوییلیشی نی ایسته‌یمیز.»
بیزلرنینگ «ایکس» ترماغی ده هم تعقیب قیلینگ!
شونینگدیک کابل طبیات بیلیم یورتی طلبه‌سی و اوشبو کورگزمه گه شرکت قیلگنلردن باشقه بیری احمد نینگ ایتیشیچه: «بو کبی کورگزمه‌لر نینگ یولگه قوییلیشی کوپ اونملی دیر و تورلی‌خیل کتاب‌لر تاپیله‌دی و دولت‌دن کتاب کورگزمه‌لر نینگ کوپراق یولگه قوییلیشی نی ایسته‌میز.»
عین حالده، افغانستان ناشرلر اتفاقی مسئوللری گه کوره، حاضر ایسه مملکت بویلب ۱۵۰ ناشر نینگ فعالیتی بار و اولردن کوپینچه‌سی بنکروت خوفی بیلن روپه‌ره دیر.
