بوگون (یکشنبه، ۱۴-حوت) کابل شهری نینگ بادام‌باغی‌ده یولگه قوییلگن بیر برنامه‌ده، اسلام امیرلیگی رسمی‌لری ییغیلیب و کوچت ایکیش بیلن، مملکت یشیللیگی و هوا نینگ حد‌دن تشقی دغللنیشیدن توسیق بولیش اوچون یشاوچیلر نینگ تشویق قیلیش مقصدیده بیر کمپاین نی باشله‌گنلر.
مذکور برنامه‌ده ایکینچی‌لیک، سووغاریش و چاروه‌چیلیک وزیرلیگی رسمی‌لری اطراف-محیط نینگ یشیللیگی خصوصیده یشاوچیلر سهمی نی اونملی دیب، اهالی تامانیدن کوپینچه کوچت ایکیلیشی نی ایسته‌گنلر.
بیزلرنینگ فیسبوک صحیفه‌میزگه باش اورینگ!
ایکینچی‌لیک، چاروه‌چیلیک و سووغاریش وزیرلیگی سرپرستی عطاءالله عمری نینگ ایتیشیچه، اوشبو وزیرلیک اطراف-محیط یشیللیگی اوچون، مملکت بویلب کمیده ۴۰ میلیون کوچت نینگ ترقه‌تیشی خصوصیده پلانی بار.
اونینگ کوپه‌یتیریشیچه: «بو ییل اهالی گه ترقه‌تیش اوچون قریب ۴۰ میلیون کوچتی‌میز بار که، اهالی اوندن قوللنیب، اوی و اطراف-محیط نینگ ییشیل‌لیگی خصوصیده سهم آلسینلر.»
اسلام امیرلیگی رسمی‌لری، افغانستان ده اوتگن ییل اوروش‌لر اینیقسه تشقی مملکت‌لر آرقه‌لی بمب‌لر و کیمیایی ماده‌لر قوللنیشی نی، افغانستان ده یشش محیط نینگ تخریبی خصوصیده اینگ اونملی عامل‌لریدن عنوان قیلگن.
اسلام امیرلیگی نینگ الوزرا ریاست رئیسی نینگ اقتصاد اورین‌باسری عبدالغنی برادر نینگ ایتیشیچه: «اطراف-محیط بیلرمان‌لری نینگ ایتیشلریچه، افغانستان هواسی کوپ خراب بولگن مملکت‌لردن دیر که، بو هوا ساغلیق خصوصیده کوپ تاثیری بار. اشغال‌گر مملکت‌لر آرقه‌لی اوتگن دهه‌لرده کیمیاوی ماده‌لر و بمب‌لر قوللنگنی سبب، هوا بو رقم بولگن.»
شو بیلن بیرگه، اسلام امیرلیگی رسمی‌لر نینگ ایتیشلریچه، افغانستان گل‌خانه‌یی گازلر ایشلب چیقاریلیشی‌دن سهمی بولمه‌گنی بیر مملکت بولگنی بیرحالده، بیراق بو خصوصده متاثر بولگن دیر.
بیزلرنینگ توییترده هم تعقیب قیلینگ!
اولر، یشاوچیلردن افغانستان هواسی نینگ دغللنیشیدن توسیق بولیش اوچون مملکت یشیللیگی خصوصیده فعال شکلده سهم آلیش‌لری نی ایسته‌گن.
اسلام امیرلیگی نینگ اداری اورین‌باسری عبدالسلام حنفی نینگ ایتیشیچه: «بویوک فابریکه‌لریمیز بولمه‌گنی و افغانستان ده گل‌خانه‌یی گازلر تولید‌لری کوپ بولمه‌گنی بیرحالده، بیراق قیغو بیلن قدرتلی مملکت گل‌خانه‌یی گازلر تولید قیله‌دیلر و اونینگ اثرلری بیزلر گه هم ییتیشه‌دی.»
عین حالده، هر ییل مملکت بویلب میلیون‌لرچه کوچت ایکیله‌دی؛ بیراق درست بیرشکلده قره‌لمه‌گنی و اولردن محافظت بولمه‌گنی سبب، قوریب اورته‌دن کیته‌دیلر.
