کابل طبی بیلیم یورتی میمون چیچگی حقیده معلومات بیریش اوچون بیر کون‌لیک سیمینار یولگه قوییدی. مذکور بیلیم یورت مسئوللری نینگ ایتیش‌لریچه، مملکت‌ده میمون چیچگی یو‌قیشی نینگ آلدینی آلیش اوچون، ساغلیک‌نی سقلش وزیرلیگی اوشبو کسل‌لیک خصوصیده معلومات بیریش برنامه‌لر شامل جدی تدبیر‌لرنی قول آستیده آلیشی کیره‌ک.
بیزلرنینگ توییترده هم تعقیب قیلینگ!
کابل طبی بیلیم یورت ریاست رئیسی فضل‌رحمان رحمانی نینگ ایتیشیچه، مملکت یشاوچیلریدن میمون چیچگی نی جدی آلیب و شونینگدیک ساغلیک کورستمه‌لرده توجه قیلیشلری کیره‌ک.
باشقه بیر تامان‌دن، کابل طبی بیلیم یورت اوقیتووچیلر نینگ ایتیش‌لریچه، میمون چیچگی وقایه قیلینه‌دیگن بیر کسل‌لیک دیر و جدی آلینیشی کیره‌ک.
اولر نینگ ایتیش‌لریچه، کیکسه‌لر، ۵ یاش‌دن قویی باله‌لر و حامله عیال‌لردن قطاری اوشبو کسل‌لیککه چیلینیش خوفیده قرار تاپگنلر.
باش آغریق، ایسیتمه، بیل آغریق، تیریلرگه بخار چیقیش اوشبو کسل‌لیک نشانه‌لریدن دیر.
بیزلرنینگ توییترده هم تعقیب قیلینگ!
گرچند ساغلیک نی سقلش وزیرلیگی میمون چیچگی نینگ ترقه‌لیش خصوصیده‌گی آلگن تدبیرلری حقیده هیچ بیر نرسه دیمه‌گن؛ بیراق ساغلیک نی سقلش وزیرلیگی سوزلاوچیسی جاوید هژیر نینگ سلام‌وطندار گه ایتیشیچه: «حاضر کرونا ویروسی انیق لاوچی «پی سی آر» ماشین‌لر ساغلیق نی سقلش وزیرلیگی اختیاریگه قرار تاپگن مانکی پوکس کیتلری بیلن هم اوشبو کسلیلک نینگ انیقلشگه قادرلر بیراق خلق‌ارا ساغلیق‌نی سقلش تشکیلاتی دن مانکی پوکست کیتلرینی یاردم بیریشینی سوره‌گنلر یقین کونلرده ساغلیق‌نی سقلش وزیرلیگی اختیاریگه قرار تاپیشی ممکن.»
دنیا ساغلیک تشکیلاتی دنیا بویلب میمون چیچگی‌گه چیلینگنلر سانی نینگ کوپه‌یگنیدن خبر بیرگن دیرکه، اوشبو کسل‌لیک ترقه‌لیشی خصوصیده خواطرلر کوپه‌یگن.
