تخار ولایتی محلی رسمی‌لری، اوشبو ولایت مرکزی تالقان شهریده سیس افلاسلنیشی گه سبب بوله‌دیگن موتر و موترسایکل‌لر قتنه‌شیگه ایزین بیریلمسلیگینی اېته‌دیلر. تخار ولایتی امنیه قوماندان‌لیگی نینگ امنیت آمری ذکرالله ذاکر، باغلیق مسئوللر گه شهر ایچیده سیس افلاسلنیشی گه سبب بوله‌دیگن موتر و موترسایکل کبی واسطه‌لر توخته‌تیلیشی و اولر گه قتنش ایزینی بیریلمسلیک بویروغینی بیرگن.
بدخشان ده‌گی محلی منبع‌لر نینگ سلام‌وطندار گه ایتیشلریچه، اوشبو ولایت مرکزی فیض‌آباد شهری اوچینچی ناحیه حدودلریده یوز بیرگن پارتلش عاقبتیده بیر کیشی هلاک بولیب و باشقه اوچ کیشی یره‌لنگنلر. منبع‌لر گه کوره، واقعه طفیلی اولیب و یره‌لنگنلر حربی یا که تینچ اهالی‌لیگی همان نامعلوم؛ بیراق اولرنینگ ایتیشلریچه، سرک یانیده موتر سایکل ده ییرلشتیریلگن ماین پارتلشی ده خوفسیزلیک کوچلر نینگ بیر رنجری نشانگه آلینگن.
ایچکی ایشلر وزیرلیگی ترافیک عمومی ریاستی مسئوللری نینگ ایتیشلریچه، اوچ کون آلدین کابل شهری ده حجت‌سیز موترسایکل‌لر نینگ ییغیش جریانی باشلنگن و حاضرگچه حجت‌سیز ۹۰۰ موترسایکل پولیس شهرچه‌سی گه انتقال بیریلگن.
فاریاب ترافیک اداره مسئوللری نینگ ایتیشلریچه، المار-میمنه قتناو یولیده یوز بیرگن ترافیکی حادثه نتیجه‌سیده، ایکی کیشی اولیب و ایکی کیشی یره‌لنگن.
لوگر خوفسیزلیک مسئوللری نینگ ایتیشلریچه، کابل-لوگر قتناو یولیده یوز بیرگن ایکی ترافیکی حادثه نتیجه‌سیده، ایکی کیشی اولیب و آلتی کیشی ایسه یره‌لنگن.
غزنی ده یوز بیرگن ترافیکی حادثه نتیجه‌سیده، اوچ کیشی هلاک بولگن. اوشبو حادثه اوتگن کون شام چاغی، غزنی مرکزی «کوتل روضه» ساحه‌سیده، «۴۰۴» رسوملی موتر بیلن بیر موترسایکل نینگ توقنشووی سبب، یوز بیرگن.
کاپیسا امنیه قوماندان‌لیگی مسئوللری نینگ ایتیشلریچه، اوشبو ولایتده یوز بیرگن ترافیکی حادثه نتیجه‌سیده بیر کیشی هلاک بولگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
