اسلام امیرلیگی منطقه مملکت‌لری بیلن دیپلماتیک مناسبتینی کینگه‌یتیریش مقصدیده سعی‌وحرکت قیلماقده ایکن، اسلام امیرلیگی سوزلاوچیسی گه کوره، مذکور مملکت تشقی ایشلر وزیرلیگی بیلن سابق حکومت دیپلمات‌لری نینگ فعالیتی و هماهنگ‌لیگی گه علاوه، اولر حاضرگچه ۱۰ دن آرتیق مملکت گه دیپلمات و ینگی ایلچی یوباریشگن.
اسلام امیرلیگی سوزلاوچیسی نینگ اورین باسرلریدن بلال کریمی نینگ سلام‌وطندار گه ایتیشیچه، اسلام امیرلیگی منطقه اولکه‌لری بیلن مناسبت‌لرینی مستحکم‌لش مقصدیده سعی‌وحرکت قیلماقده دیر.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «قطار ایچیلخانه‌لر و نماینده‌لیک لرده سابق حکومت دیپلمات‌لری، اسلام امیرلیگی تشقی ایشلر وزیرلیگی هماهنگ‌لیگی بیلن ایش‌لری گه دوام بیرماقده‌لر. باشقه ۱۰ دن آرتیق مملکت جمله دن تورکمنستان، روسیه، چین، تورکیه، قطر، بیرلشگن عرب امیرلیگی، پاکستان، ایران گه اسلام امیرلیگی نینگ دیپلمات‌لری یوباریلگن. شونینگدیک، باشقه قریب ۱۵ مملکت گه اسلام امیرلیگی تامانیدن یوباریلگن دیپلمات‌لر قنسولی ایشلرینی آلغه آلیب بارماقده‌لر.»
عین‌حالده، اسلام امیرلیگی حکومتی حاضرگچه هیچ بیر مملکت تامانیدن رسمیت گه تانیلمه‌گن.
سیاسی ایش بیلرمان طارق فرهادی گه کوره، منطقه مملکت‌لری سوداگرلیک و اقتصادلری اوچون افغانستان نینگ سیاسی نماینده‌لیکلرینی اسلام امیرلیگی گه تاپشیرماقده‌لر.
طارق فرهادی نینگ ایتیشیچه: «منطقه مملکت‌لری سوداگرلیک‌لری اوچون قنسول‌گرلیکلرنی اسلام امیرلیگی حکومتی گه تاپشیرماقده‌لر و اکثر وقت‌لر اوشبو مملکت‌لر مهاجرلرنی افغانستان گه یوباریش گه علاقه کورسه‌تیشگن، چونکه کابل دولتی بیلن همکارلیک قیلیش گه نیازمندلر.»
سیاسی فعال ویس ناصری نینگ ایتیشیچه، منطقه و جهان بیلن اسلام امیرلیگی نینگ مناسبتی عملی بیر مناسبت دیر و هیچ بیر مملکت اسلام امیرلیگینی رسمیت گه تانیمه‌یدی.
بیزلرنینگ توییترده هم تعقیب قیلینگ!
شو بیلن بیرگه، خلق‌ارا خوفسیزلیک تدقیقاتچیسی علی‌سجاد مولایی گه کوره، منطقه مملکت‌لری امریکا برابری ده قدرت موازنتینی اسره‌ش اوچون ایلچیخانه‌لرنی اسلام امیرلیگی دیپلمات‌لری گه تاپیشرماقده‌لر.
اونگه کوره: «ایلچیخانه‌لرده نیچه مسئله مطرح بوله‌دی؛ بیر مسئله دیپلمات‌لر کیته‌دی و ایشلر گه قیینچیلیک تاپیلمسلیک اوچون میزبان مملکت باشقه دیپلمات سوره‌یدی، باشقه مسئله قطار مملکت‌لر اوز منفعت‌لری اوچون ایلچیخانه‌لرنی اسلام امیرلیگی گه تاپشیرماقده‌لر.»
افغانستان ده اسلام امیرلیگی حاکمیتیدن قریب ایکی ییل اوتسه ده، لیکن انسان حق‌لری رعایت ایتیلمسلیگی و همه شمول حکومت شکللنمسلیگی باعث، اسلام امیرلیگی حاضرگچه دنیا همجمعیت تامانیدن رسمیت گه تانیلمه‌گن.
