کابل-جلال‌آباد قتناو یولی نینگ یاپیق قالگنی‌دن ایکی هفته اوتگنی بیرحالده، کابل ولایت مقامی مسئوللری نینگ ایتیشلریچه، اوشبو قتناو یول نینگ آچیلیشی خصوصیده ایش نینگ دوامی بار.
کابل ولایت مقامی سوزلاوچیسی رحیم‌الله ساجد نینگ ایتیشیچه، کابل-جلال‌آباد قتناو یولی نینگ قیته قوریلیشی‌گه قدر، کاپیسا نینگ تگاب تومنی و «لته‌بند» منطقه‌سی، اوتیب-قیتیش اوچون بدیل یول انتخاب بولگن. اونینگ کوپه‌یتیریشیچه: «ایکی جمعه آلدین بیر تاغ سیلجیشی یوز بیردی. بو یول تازه‌لنه‌دی و تاغ سیلجیشی یوز بیرگن جای‌لر هم قیته توزه‌تیله‌دی و موتر نینگ تیزلیککه اوتیب-قیتیشی اوچون ایش نینگ جدی شکلده دوامی بار و ان‌شاءالله آز وقت‌ده تازه‌لش ایشی نینگ یکونلنیشی ممکن.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، شرقی ولایت‌لر یشاوچیلریدن قطاری نینگ ایتیشلریچه، کابل-جلال‌آباد قتناو یولی نینگ بدیل یول‌لری، کیچیک و تارلیگی اوچون، کوپراق ترافیکی حادثه‌لر گه سبب بوله‌دی.
لغمان ولایتی یشاوچیسی یاسمین نینگ ایتیشیچه: «بو یول‌ده چنگ کوپ دیر و بو یول‌دن اوتیب-قیته‌دیگن یولاوچیلر نینگ کسل بولیشی و شونینگدیک ترافیکی حادثه‌لر نینگ یوز بیریشی ممکن.»
بیزلرنینگ فیسبوک صحیفه‌میزگه باش اورینگ!
شونینگدیک ننگراهای ولایتی یشاوچیسی بلال نینگ ایتیشیچه: «لته بند یولی‌دن قیتدیم، کوپ خراب یول ایدی و موتر نینگ ماشین‌لری بوزیلیشی گه سبب بوله‌دی و شونینگدیک کابل و جلال‌آباد قتناو یولی نینگ تیزلیککه توزه‌تیلیشی کیره‌ک، چونکه اهالی قیین‌چیلیگی کوپ دیر.»
کابل-جلال‌آباد قتناو یولی، مملکت نینگ اونملی قتناو یول‌لریدن بیری دیر که، یشاوچیلر نینگ اوتیب-قیتیشی گه علاوه، شونینگدیک سوداگرلیک توارلر هم اوشبو یول‌دن انتقال تاپه‌دی.
