قیزیل خاج خلق‌ارا کمیتهسی نینگ اعلام قیلیشیچه، ۲۰۲۲- ییل جنوری آیی نینگ باشله‌نیشیدن حاضرگچه افغانستانده ۲۰۰ کیشی اوروش‌لرده پارتلمه‌ی قالگن ماین‌لر پارتله‌شی نتیجه‌سیده اولیب و یا هم یره‌لنگن‌لر.
افغانستانده قیزخاج خلق‌ارا کمیته باشلیغی ایلوی فیلیون اوتگن کون ماین توغریسیگه آگاه‌لیک بیریش و ماین قربانلریگه یاردم بیریش مناسبتی بیلن افغانستانده پارتلمه‌ی قالگن ماده‌لر پارتله‌شی نتیجه‌سیده قربان بولگنلر سانی کوپه‌یگنیدن خواطر بیلدیریب ایتیشیچه، بو توغردیده جدی توجه قیلینیشی کیره‌ک.
بیزلرنینگ فیسبوک صحیفه‌میزگه باش اورینگ!
افغانستانده قیز حاج کمیتهسی نینگ رئیسی اوز توییتر صحیفه‌سیده یازیشیچه، اوتگن ۳ آیده ۲۰۰ کیشی ماین پارتله‌شی نتجه‌سیده اولیب یره‌لینگن‌لر وقربان‌لردن یریمینی باله‌لر تشکیل بیره‌دی.
اونینگ تأکید قیلیشیچه، اوروش زمانیدن پارتلمه‌ی قالگن ماین و پارتلمه‌گن ماده‌لر تازه‌لنیب، افغانلر تینچ فضاده حیات کیچیریشلری کیره‌ک.
شونده‌ی بیرحالده، اوتگن کون بیرلشگن ملت‌لرتشکیلاتی باله‌لردن حمایت قیلوچی صندوقی یا یونیسف افغانستانده اوروش‌لر زمانیدن، پارتلمه‌ی قالگن ماین و نظامی قورال-یراقلر پارتله‌شی نتیجه‌سیده قربان بولگنلر سانی کوپه‌یگنیدن خواطر بیلدیرگن ایدی.
مذکورنهاد اوتگن کونی بیر بیانه ترقه‌تیب ایتیشیچه، اوتگن ۷ آیده، افغانستانده ۳۰۱ باله اوروش زمان‌لریده پارتلمه‌ی قالگن ماین‌لر پارتلشی عاقبتی‌ده هلاک و یره‌لنگن‌لر.
یونیسف‌گه کوره، واقعی رقم بوندن کوره کوپ بولیشی ممکن.
بیزلرنینگ توییترده هم تعقیب قیلینگ!
عین‌حالده، بیرلشگن ملت‌لر تشکیلاتی نینگ معلوماتی اساسیده، افغانستانده ۲۰۲۱-ییل نینگ دستلبکی ۶ آیی‌ده، ۴۶۰ باله زوروانلیک‌لر اینیقسه اوروش زمانیدن پارتلمه‌ی قالگن ماین‌لر پارتلشی قربانی بولگنلر.
