بیرلشگن ملت‌لر تشکیلاتی نینگ باش کاتبی آنتونیو گوترش ۶- صنف‌دن یوقاری قیز اوقوچیلر یوزیگه مکتب‌لر باغلنگنی دوامی‌دن خواطر بیلدیریب ایتیشیچه، اوشبو قرار بشر حقوقی برابریده اساس سیز دیر و بوتون مملکت اوندن ضرر کوریشی ممکن.
بیرلشگن ملت‌لر تشکیلاتی نینگ باش کاتبی بوکون اوز توییتر صحیفه‌سیده یازیشیچه، افغانستانده خاتین – قیزلرحقوقی‌دن آرقه‌داشلیک بیلدیریش، باله‌لرنی آچیلک دن و جماعه‌نی قشاق‌لیک و کمبغلیک دن قوتقره‌دی.
بیزلرنینگ فیسبوک صحیفه‌میزگه باش اورینگ!
شونینگدیک بوند آلدین گوترش ۶- صنف‌دن یوقاری قیز اوقوچیلر یوزیگه مکتب‌لر ایشیگی اسلامی امارت تامانیدن کیینکی امرگچه یاپیق قالگنی برابریده قرشی عکس‌العمل بیلدیریب، اسلامی امارت نینگ بو قراریدن قیتیق تأثیرلنگنینی بیان قیلگن ایدی.
شونینگدیک او بیر اعلامیه ترقه‌تیب تاکید قیلگن ایدی، ینگی تعلیمی ییلده قیزلر مکتبی، قیز و اوغیل اوقوچیلر و عایله‌لری تامانیدن آچیلیشی کوتیلرایدی؛ بیراق اونینگ ایتیشیچه، «اسلامی امارت نینگ ۶ –صنف‌دن یوقاری قیزلرمکتب‌لرینی آچیلیشی توغریسیده کوپینچه تعهد قیلگن ایدیلر، مکتب‌لرنینگ باغلنگنی رنج کورگن و الم‌لی افغانستان یشاوچیلریگه کتته بیر امیدسیزلیک دیر.»
بیرلشگن ملت‌لر تشکیلاتی نینگ باش کاتبی اسلامی امارت مقاملریدن قیزلر نینگ مکتب‌لرینی آچیلیشینی، آرتده سورمسدن برچه قیز اوقوچیلر یوزیگه آچیشلرینی سوره‌گن.
بیزلرنینگ توییترده هم تعقیب قیلینگ!
ایتیش کیره‌ک دیر که افغانستانده اسلامی امارت حاکم بولگن‌دن کیین ۶- صنف‌دن یوقاری قیز اوقوچیلر گه مکتب باریش اوچون رخصت بیریلمه‌‌دی.
شونده‌ی بیرحالده، اسلامی امارت معارف وزیرلیگی ۳، حمل‌ده قیزلرنینگ مکتب‌لری بوتون مملکت‌ده برچه قیزلر و اوغیل باله‌لر یوزیگه آچیلیشیدن خبربیرگن ایدی؛ بیراق اوشبو وزیرلیک اوشه کونی بو قرارنی کییگنی امرگچه توختدی.
